Igreza Hakarak Forma Governu Estavel

Igreza Hakarak Forma Governu Estavel

- in Nasional
264
0
Mgr Norberto Amaral

DILI – Igreja katolika husu ba lider partidu politiku sira atu konsidera povu nia votu no iha serteza politika, nunee bele forma guvernu neebe estavel.

Igreja katolika liu husi Bispu Diocese Maliana Dom Norberto Amaral hatete ba STL wainhira partisipa iha inkontru entre Bispu neebe halao iha Salaun inkontru Episcopal Dioseze, Lecidere Dili, Kuarta (09/08/2017).

Dom Noberto Amaral hatete katak atu hatan ba formasaun governu laos kompetensia sidadaun nian satan povu simples babain miabe Sidadaun babain ezerse tiha ona ninia direitu iha eleisaun Prezidensial no Parlamentar, agora intrega fila fali ba iha lider politiku sira nee mak hatur aan didiak ba atu konjuga didiak.

Hau hanoin lider husi partidu ida-idak hatur an didiak hodi halo dialogu atu bele forma governu neebe mak estavel tamba halo dialogu neebe mak branco, sincere atu dura ba tinan lima nia laran,” dehan Dom Norberto.

Bispu Dioseze Maliana nee mos husu ba partidu Fretelin nuudar partidu neebe hetan maioria simples atu halo lobi ho didiak no ho estratejia oi-oin hodi dada partidu sira seluk atu iha consensus ida atu bele forma governu no se karik mak la iha consensus mak mosu governu neebe mak sabraut no dalan klaran governu refere bele monu.

Iha fatin ketak, tuir Reitor Seminario Maior Inter-Diocesano de S. Pedro e S. Paulo, Pe. Eduardo de Almeida katak uluk liu hakarak fo apresiasaun ba povu Timor Leste tamba hatudu ona ninia maturidade politika ba iha eleisaun Prezidensial no Parlamentar. Domingos Piedade/Natalino Belo

Facebook Comments

Leave a Reply

Your email address will not be published. Required fields are marked *