ICS Halao Graduasaun, MESSK Husu Graduadu Nafatin Kontribui

ICS Halao Graduasaun, MESSK Husu Graduadu Nafatin Kontribui

- in Edukasaun
216
1
Cristal

DILI-Institute Ciensia Saude (ICS), halao seremonia graduasaun ba dala rua, iha area bacharelatu, ba departamentu enfarmajen no farmasia, ba graduadu hamutuk 78.

Seremonia graduasaun ba finalista Instutute Ciensia Saude, halao iha salaun Canossa Has Laran, neebe partisipa husi Ministru Ensinu Superior Siensia no Kultura (MESSK), Longuinhos dos Santos, reprejentante husi Ministeriu Saude, korpu dosente ICS, estudante inklui familia graduadus.

Tuir Ministru Ensinu Superior Siensia no Kultura (MESSK), Longuinhos dos Santos, katak, hanesan Ministru, bele mai partisipa seremonia graduasaun ICS, atu enkoraja graduadus sira, nafatin fo sira nia kontribuisaun ba dezenvolvimentu nasaun.

Hau hanoin, ita nian graduadus sira nee, sai hanesan rekursu umanus nasaun nian, entaun sira nafatin kontinua dezenvolve ba rai ida nee, no sira sai ona komunidade, neebe mak atu sai instrument. Hau hakarak hatoo hau nian kongratula iha seremonia graduasaun, ba dala rua husi ICS, ba ba kursu bacharelatu enfarmajen no farmasia, tanba nee, hau hakarak hatoo hau nian komprimentu ba dala uluk husi ICS,” dehan MESSK Longuinhos, ba jornalista iha salaun Canossa Has Laran, Kinta (20/12/2018).

MESSK, Longuinhos, sublina, planu estratatejiku nasional, neebe mak sei hahu iha 2030, merese katak, rekursu umanus mak sei fo fundamentu, atu hetan fiar, hodi bele atinji dezenvolvimentu ekonomiku sustentabel iha pais ida nee.

Nunee mos Reitor Institute Ciensia Saude Dili, Miguel Quintao, hatete, ICS konsege hetan rezultadu neebe diak, husi prosesu aprendizajen durante tinan tolu ou hat nian laran. Total graduadus ICS Dili, hamutuk 78, fahe ba departamentu enfarmajen 50 no farmasia 28. Informasaun kompletu iha STL Jornal, edisaun Sesta (21/12/2018). Jacinta Sequeira

Komentariu

Facebook Comments

1 Comment

  1. Husu ba jornalista STL media online karik atu publika noticia ruma, favor le’e no hare didiak lai liafuan sira ne’ebe hakerek ne los ona ka lae? hakerek noticia saida mak indonesia kahur los ho tetun ne? halo leitor sira le sai la komprende tiha fali.
    obrigado.

Leave a Reply

Your email address will not be published. Required fields are marked *