Ibun Dehan Redus, Vota Kartaun Mean Beraksi

Ibun Dehan Redus, Vota Kartaun Mean Beraksi

- in Politics
102
0
IMG_5712

DILI- Deputadu Balu hatudu aktu unik iha Parlamentu Nasional, tanba sai husi sira nia ibun dehan redus orsamentu ba viajen estranjeiru, maibe na realidade iha votasaun kartau mean beraksi, hodi kontra proposta neebe mak maluk oposizaun hato.

Aktu nee akontese bainhira Deputada Maria Helena husi bankada FRETILIN hato proposta 84 ba meja Parlamentu Nasional, hodi husu atu redus orsamentu viajen estranjeiru ba iha Ministeiru Saude neebe mak boot tebes ho montante sentu sinkeunta sete mil, sentu setenta oitu.

Iha intervensaun deputadu Luis Roberto hatete, Relasiona ho proposta 84 ba nia apoia mos deputada proponente sira, tanba kolia konaba sauda iha rai laran importante liu duke viajen ba estanjeiru.

Hau apoia redus orsamentu ba estranjeiru nee, tanba realidade kuaze iha Timor Laran tomak ita nia komunidade sira, infrenta saude neebe mak ladiak,” dehan deputadu Luis, liu husi intervensaun bankada Khunto, iha debate OJE na Espesialidade, Tersa ( 17/12/2018).

Deputadu Luis Roberto mos fo exemplu katak, Iha Postu Saude sira neebe mak iha area rural laiha aimoruk, maibe aimoruk sira iha nasional nee barak espair no sunu at deit, ida nee mak importante laos viajen estranjeiru.

Iha fatin hanesan deputada Maria Helena husi bankada FRETILIN hatete, Orsamentu viajen lokais ho viajen estranjeiru ho mmontante sentu sinkuenta sete mil sentu setenta oitu neebe boot tebes.

Hatan ba kestaun Primeiru Ministru Taur Matan Ruak hatete” Konaba orsamentu ba viajen  estranjeiru hau rejista preokupasaun sira, tanba bainhira Membru governu sira sai ba liur tenke halo baze dedus, atu nunee bele hatene sira sai ba halo saida,” dehan PM TMR.

Entretantu Orsamentu Jeral Estadu neebe aloka ba Ministeiru Saude ho montante 45,287 Miloens pasa iha Parlamentu Nasional, ho votus afavour 42, kontra 1 no abstensaun 21. Notisia Kompletu Lee Iha Jornal STL Iha edisaun Kuarta (17/12/2018). Carme Ximenes

Facebook Comments

Leave a Reply

Your email address will not be published. Required fields are marked *