IADE Entrega Ekipamentus Ba Klientes

IADE Entrega Ekipamentus Ba Klientes

- in Politics
9
0
image002

Editor: Joseph Koa

DILI– Instituto Apoiu Dezenvolvimentu Emprezarial (IADE), neebe tutela ba Ministeriu Koordenador asuntu ekonomiku (MCAE), entrega ekipamentus ba kliente sira.

Tuir Direitor Ezekutivu IADE,Filomeno Marcelino Belo, hatete, ohin loron IADE fahe ekipamentus ba kliente sira, liu husi programa fasilidade inkubasaun negosiu  (FIN), liu husi apoiu ida nee, bele fasilita diak liu tan kliente sira nia servisu iha vida negosiu ninia. Ekipamentus hirak nee mak hanesan, makina dulas nan, koa nan, hamaran nan, produsaun nan kabuar, karosa bakso, banko sango, makina suku ropa, bordir, armario display, materia prima.

Tinan ida nee ami bele aumenta tan kliente ho total montante 15 mil ba kliente nain 4, tanba ida halo produsaun rambutan iha Munisipiu Liquica, tolu seluk foin halao seremonia ida nee, maibe sira nia atividades negosiu rasik la hanesan, ida halo produsaun nan kabuar, produsaun naan, sira nee mak ami suporta iha tinan ida nee,dehan Filomeno ba jornalista iha edifisiu IADE Mandarin, Dili, Sesta  (10/01/2020).

Nia hatete, programa FIN nee, estabelese iha tinan 2013, maibe too agora sira provolta 34 kliente neebe mak durante nee IADE suporta, tanba bazeia ba sira nia programa ou avaliasaun ba programa ida nee, bele dehan too agora 80% programa nee rasik hetan ona susesu.

Kestaun hanesan, hatoo husi, reprejentante husi MCAE, Carlos A.Estrocio Martins dehan, sira sente orgullu boot ho servisu neebe mak IADE halo, hodi fo apoiu ba kliente sira, bele halo atividades negosiu ninia.

Ami orgullu boot ho servisu neebe mak IADE sira halo, maske lori sira nia kbiit kiik, realmente sira tenta halo buat ruma, bele ajuda ita nia komunidade sira, para bele halo negosiu, ami espera sei kontinua suporta nafatin, laos finanseiru ou teknikamente, espera sira sei susesu boot iha futuru, tenik nia.

Nia sublina, sira iha ona planu atu fo suporta nafatin ba IADE, para bele ajuda komunidade sira, maibe too agora sira sei hein orsamentu jeral, ho nunee, bele haree atividades sira nee, maibe OJE too agora seidauk iha diskusaun.

Entretantu Luisa Maria S  da Silva, hanesan kliente nain ba restoran Graciano hatete, sente kontenti, tanba IADE bele fo apoiu ba sira, liu husi ekipamentus produsaun naan nian, maske iha loron 23 fulan Dezembru foin lalais nee, ninia restorante mos ahi han hotu, tanba besik malu ho Nelio Restorante.

Nia hatutan restorante neebe durante nee hamoris ona sira nia um laran ahi han mos hotu maibe ida lahamete nia vontade atu nafatin buka moris hodi loke fila fali restorante nee.

Hau nian restorante mos ahi han hotu, maibe akontesementu ida nee, hau sei iha vontade nafatin loke hau nian restorante, maske too agora ninia kondisaun seidauk diak, “tenik nia. Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *