Hotel Hilton Tenke Priense Kriteria Ambiental

Hotel Hilton Tenke Priense Kriteria Ambiental

- in Economics, Nasional, Politics
165
0
download (26)

Editor: Joseph Koa

DILI– Sekretariu Estadu  Meuambiente halo vizita direita ba konstrusaun Hotel Hilton  Timor Leste (TL) neebe  konsidera hanesan hotel boot  iha nasaun ida nee, tanba nee sira tenke priense kriteria ambiental

Kestaun nee fo sai husi Sekretariu Estadu Meu Ambiente,  Diometro Amaral ba Jornalista Sesta (10/01/2020) Markoni Dili.

Hau hanoin, Hotel nee ho marks boot iha TL, oinsa sira bele halo tuir Lei no prosedimentu iha TL espesilmente Lisensa Ambiental,  tanba empreza hatama tiha ona dukumentus balun ba Sekreatiu Estadu Meuambiente,  hetan klasifikasaun ho kategoria A fiar katak konsultan ba area servisu nain sira  atu servisu ho lalais, nunee iha tempu badak nia laran ita bele submete ona lisensa ambiental ba Hotel nee rasik, dehan Deometro.

Nia mos afirma liu tan katak, Hilton marks boot ida tanba nee  rona mos quality kontrolu husi kontrolu neebe akonpana prosesu konstrusaun nee dehan,  sira iha inspesaun husi Hilton International nian mai iha nee bebeik, tanba nee husi inisiu konstrusaun mai too agora, buat hotu lao diak no laiha problema, kada loron sira fo avizu ba trabalador sira dala rua dader ho loraik,  avizu neebe sira fo ba traballador sira maka oinsa atu zero plastik no agua mamuk sira iha servisu fatin.

Ita haree duni, jestaun neebe maka jere iha nee diak tebes, liu liu jestaun lisu,  jestaun zero pastik no agua mamuk, no hirak nee  tuir duni estandar neebe diak, inklu sira sei halo instalasaun ba solar panel iha Hotel nee rasik, tanba nee ita haree katak estandar neebe hotel nee halo tuir duni Ambiente nia hakarak, dehan nia.

Iha fatin hanesan Diretur Palm Springs Hotel Lda,  Jaekson Lay hatutan,  projetu nee lao tuir duni kriteria neebe iha,  tanba nee kompana tenke lori tempu tinan 5 nia laran hodi finaliza obra nee. Projetu nee hahu kedas iha tinan 2015 no tuir planu sei finaliza iha tinan ida nee nia laran.

Ita agradese tanba Hotel ida nee hetan klasifikasaun, liu husi lisensa ambintal no traballador neebe servisu iha konstrusun Hotel ida nee, 80% Timor oan sira no 20% mai husi Indonesia tanba servisu balun ita Timor oan seidauk bele atu halo,  tanba nee ita tenke bolu maluk sira mai husi nasaun seluk, dehan nia.

Tuir Observasaun STL haree katak,  Timor oan barak maka servisu iha konstrusaun Hotel Hilton,  liu liu servisu iha area konstrusaun ka hada batako,  kahur masa no balun hamutuk ho ema liur sira hodi halo instalasaun ahi Eletrisidade iha Hotel nee. Madalena Horta/Jacinta Siquera

 

Komentariu

Facebook Comments

Leave a Reply

Your email address will not be published. Required fields are marked *