Horta: Tau Prioridade Ba Violensia

 Horta: Tau Prioridade Ba Violensia

- in Politics
86
0
images (2)

DILI– Eis Prezidente  Republika Jose Manuel Ramos Horta deklara katak, iha tinan 2020 sei tau prioridade, ba violensia neebe mosu, iha komunidade nia leet.

 Dehan Horta ba Jornalista sira, hafoin selebra tinan (70) no natal hamutuk ho komunidade sira iha Metiaut, Dili, Kinta (26/12/2019).

Prioridade ba hau tinan 2020 atu haree oinsa servisu ho PR, governu, sosiedade sivil, no mos  igreja, primeiru hatun problema violensia neebe mosu iha komunidade nia leet liu liu mai husi joven balun, laos joven hotu hotu, maibe joven balun  relasaun diak liu ho arte marsial sira, dehan Horta.

Premiadu Nobel da Paz nee afirma tan katak, iha nia parte mos koalia ona ho konselleru  masimu KHUNTO Nai  Mori Bucar no lider eis arte marsiais sira, atu bele kontribui ba dezenvolvimentu nasional.

Hau koalia ona ho Naimori para tinan foun  (2020) mai  tuur hodi koalia ho lider arte marsial sira hotu, oinsa sira mos bele kontribui diak liu tan, para sira rasik hanesan enviadu da paz ba rai ida nee, dehan nia.

Iha sorin seluk antes nee Deputada Bankada KHUNTO Olinda  husu ba governu, atu reativa fila fali  Eis Grupu Arte Marsiais, neebe liu rezolusaun governu taka.

“Eis grupu Arte marsiais tolu nee taka problema la iha, maibe realidade kazu oho malu kontinua mosu. Karik reativa fila fali,  ita bele halo lei ida kona ba arte marsiais nian, nunee kuandu oho malu intrega ba nia boot,  bolu nia boot investiga,” dehan Olinda. Luciana Ximenes

Komentariu

Facebook Comments

Leave a Reply

Your email address will not be published. Required fields are marked *