Horta: Remodelasaun Kompetensia PM

Horta: Remodelasaun Kompetensia PM

- in Nasional
67
0
Horta

DILI-Eis Prezidente Republika Jose Ramos Horta hatete, atu halo remodelasaun ba membru VIII Governu Konstitusional, nee kompetensia Primeiru, atu konsulta ho partidu koligasaun neebe mak iha AMP nia laran.

Hau foin rona Primeiru Ministru rasik kolia iha media iha dia 2019 karik bele halo remodelasaun, nee normal Primeiru Ministru halo avaliasaun reforma Ministru idak idak ninian, depois bele muda ba muda mai, hasai Ministru nee tau fali Ministru seluk hatama fali foun ida nee normal, maibe PM nia kompetensia atu konsulta ho partidu koligasaun,” dehan Eis PR Horta ba jornalista sira, hafoin remata seremonia tomada de pose ba Adjuntu PJR Alfonso Lopes, iha Palasiu Prezidente Nicolau Lobatu, Dili, Tersa ( 04/12/2018).

Maibe Eis Aman Nasaun RDTL nee hatete, Governu foin fulan ruma deit nee duni atu halo remodelasaun, pelumenus fulan neen tan, maibe nee  nee kompetensia Primeiru Ministru nian konsulta ho partidu koligasaun.

Tanba nee partidu sira neebe iha kadeira iha PN, ho Prezidente da Republika ho avo Nana tenke tur hamutuk para hetan dalan ida diak ba tinan lima mai, tanba iha Timor oan barak diak, laiha partidu ida ke bele hatete uniku iha governu.

Nia dehan, Primeiru Ministru Taur Matan Ruak ema ida ho autoridade no esperensia nudar  Primeiru Ministru, nudar komandante boot da luta koinese rai nee diak, nia koinese povu nia mentalidade, I hamutuk ho maun Xanana.

Iha parte ketak Vigariu Episkopal Re-Evangelijasaun Dioseze Dili Pe. Juvito do Rego hatete, Primeiru Ministru Taur Matan Ruak presiza, halo remodelasaun ba membru VIII Governu Konstitusional, atu nunee implementasaun programa governu nian bele lao diak ba oin. Informasaun kompletu iha STL jornal, edisaun Kuarta (05/12/2018). Carme Ximenes

Facebook Comments

Leave a Reply

Your email address will not be published. Required fields are marked *