Hornay: Oecusse Laiha Ninja

Hornay: Oecusse Laiha Ninja

- in Distritu
197
0
KOmisariu Julio

DILI-Komandante Jeral Polisia Nasional Timor-Leste (PNTL), Komisariu Polisia, Julio da Costa Hornay hatete iha Oecusse laiha liafuan ida ho naran Ninja.

Nia dehan, informasaun neebe espalla iha publiku katak iha Reziaun Autonom Oecusse katak, mosu kazu Ninja neebe hakanek joven nain rua. Tanba nee, komisariu Hornay hatete, informasaun nee laloos, no laiha ninja iha Oecusse.

Informasaun neebe iha katak iha Oecusse nee laiha istila Ninja nee laiha, maibe kazu neebe mosu iha neeba hanesan kazu ida babain ke komandu Oecusse halo prosesu hela hein nia resultadu depois tribunal deside iha julgamentu mak ita haree ninian desizaun nee oinsa,” hatete nia iha knar fatin, Kuartel Jeral PNTL, Caikoli-Dili Tersa (08/01/2019).

Nia dehan,Tanba nee, kazu refere oras nee sei iha prosesu laran, tanba relatoriu sedauk kompletu, no sedauk relata mai Komandu jeral, no hein katak tempu badak polisia sei fo sai ba publiku.

Aliende ida nee, iha parte seluk, komandante nee mos relata katak, konaba   konfrontu iha Baucau loos duni akontese iha loron 3 fulan Janeiro, tinan 2019 iha area Lavateri, kazu nee mosu tanba joven sira hemu lanu nunee hodi hakanek joven balun ho rama ambon.

Enkuantu, konaba joven balun neebe tuda bus dirasaun Dili-Baucau Komandu Jeral sedauk simu relatoriu. Maibe, polisia kontinua halo vizilansia no patrolia lao nafatin hodi kontrola situasuan ida nee.

Tanba nee,  nia apela ba intedade atu toma atensaun tantu nivel guvernu no parte kompotente hotu atu bele hanoin oinsa hodi resolve problema arte marisias. Lucia Ximenes

Komentariu

Facebook Comments

Leave a Reply

Your email address will not be published. Required fields are marked *