Headline
Home » Notisias Online » Homesido Neglijente, Marcus Soke Mate EVo

Homesido Neglijente, Marcus Soke Mate EVo

DILI-Arguido Marcus Belarmino de Rozario nudar official PNTL, Tersa (10/03/2015) hatan iha Tribunal Distrital Dili, tanba arguido soke mate vitima Evo Givanio ho idade tinan 3, vitima Febriana Santos ho Gil Lourdes da Silva kanek bainhira vitima sira iha motor leten.

Liu husi audensia julgamentu tribunal lee sai akuzasaun husi ministeriu publiko katak iha loron 1 fulan Janeiro 2014 iha oras tuku 3:00h arguido Marcus sae motor marka Yamaha vixion ho numero matrikula 9193 TLS halai husi Bairopite atu ba Cacaulidun. Lejado Gil Lourdes da Silva sae motor marka Honda bebek ho numero matrikula D-3558 tula ho nia oan nain rua vitima Evo iha oin no vitima Febriana iha kotuk halai husi Cacaulidu atu ba Balide.

To iha kurba Cacaulidun nian, tanba arguido halai ho velosidade 40 kilometru hodi soke lejado Gil nia motor, no vitima Evo haksoik tun husi motor tun ba rai mate kedas iha fatin. No vitima Gil ho nia oan feto Febriana ho motor monu ba rai. Ho ida nee ministeriu publiko akuza arguido  hanesan autor ba krime homesido. Nunee Ministerio publiko akuza arguido ho krime Homesido neglijente no ofensas integridade fisika tuir artigu nebe mak konjuga iha kodigo penal.

Hatan ba akuzasaun nee arguido hatete, akuzasaun nee lalos. Iha momentu nee nia husi Bairopite atu ba Cacaulidu, nia halai ho velosidade 40. Tanba iha rai kuak nia redus 20 kilometru, nemak lejado ho nia oan nain rua atu ses husi rai kuak hodi hadau nia dalan, nemak lejado ho nia motor soke ba nia motor halo nia oan mane ida iha oin nee haksoik sai husi motor monu ba rai.

Depois rona tiha deklarasaun husi parte rua nian, tribunal suspende fali julgamentu nee ba loron 7 fulan Marsu tinan nee oras tuku 14:30 loraik. Audensia nee prejide husi juis singular Ana Paula Fonseça, reprejenta ministeriu publiko prokuradora Bemvinda do Rojario no arguido hetan assitensia legal husi advogado privadu Manuel Tilman. Informasaun kompletu iha STL Jornal no STL Web, edisaun Kuarta (11/3/2015). Domingas Gomes

Komentariu

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

live webcam girls