HNGV Prontu Responde  Bainhira TL Iha Covid-19

HNGV Prontu Responde  Bainhira TL Iha Covid-19

- in Metro, Nasional, Notisias Online, Politics
378
0
images (3)

Editor : Crisogono Magalhães

DILI– Hospital Nasional Guidu Valadares (HNGV) normalmente, iha nia pratika prontu responde ba situasaun saida deit inkliu moras Covid-19 bainhira TL iha.

Tuir Diretur Klinika HNGV, Flavio Brandão, ba duvidas sira neebe agora lao hela iha publiku katak, Hospital Nasional Guidu Valadares la prontu ou lakohi simu pasiente Corona Virus.

Nia dehan, Atu hatete katak, agora ita iha hela kazu ruma iha HNGV, maibe HNGV normalmente iha nia pratika prontu ba situasaun saida deit.

Maibe kestiona kona ba fatin izolamentu neebe sai viral katak, HNGV lakohi simu pasiente Corona virus . Hau hakarka esplika katak, HNGV sein Corona sempre iha nia izolamentu, tanba nee HNGV nia izolamentu sempre iha no prepara atu responde ba pasiente, karik ho moras Corona ou ho moras infeksioza sira seluk nia izolamentu sempre iha, dehan Diretur liu husi konferensia pers iha HNGV, Kinta (19/03/2020).

Nia tenik, konsidera ida nee situasaun moras ida neebe maka, nia ekspansaun nee afeta liu kapasidade HNGV nian.

Maibe HNGV kontinua promove no esforsu atu establesimentu karentina, ho izolamentu hanesan nasaun tenke iha.

Tanba presiza tempu ituan atu ita nia karantina ho izolamentu preparadu ona, no HNGV kontinua iha espasu ba nesesidade neebe presiza, izilamentu no presiza halo tratamentu HNGV kontinua iha.

Nia hatoo imformasaun ba seitor privadu klinika sira iha Dili laran katak, sira tenke aloka fatin izolamentu iha servisu fatin no fatin pratika katak, hanesan fatin neebe ema ba hetan asistensia tenke iha fatin izolamentu.

Atu nunee karik ita hetan pasiente neebe deskonfia Covid-19 bele trava, no tau iha fatin izolamentu neebe ita prepara ona. Hodi ema suspeitu nee labele ba hamutuk ho ho komunidade sira, tenik nia.

 Depois maka laboratorium nasional sei halo suporta hodi refere mai HNGV, maka halo kordenasaun. No HNGV prontu ho espasu neebe maka iha maka 6 ida neebe ho nia ekipamentu, no fatin neebe maka apropriadu  atu responde bainhira kazu iha.

Maske fatin karentina sedauk establese ita prontu responde tuir ita nia kapasidade. Maibe hakarak informa katak, HNGV too agora sedauk iha moras Corona Virus, hakotu nia.

Iha fatin seluk, Diretora Jeral Prestasaun Saude iha MS, Odete Viegas, katak husu ba klinika privadu sira mos tenke prepara fatin izolamentu atu bele antisipa.

Tanba klinika privadu sira nee, ema neebe ba halo konsulta barak liu ema estrajeiru neebe sempre halao sira nia viajen ba mai no inkui mos Timor oan sira, dehan nia.

Nia dehan, entaun atu antisipa ba moras Covid-19 maka, klinika sira tenke iha fatin izolamentu, wainhira hetan pasiente deskonfia covid-19 nebe izola lai iha neeba. Depois maka liga ba MS ho nia ekipa.

Reportajen : Domingas Soares

 

Komentariu

Facebook Comments

Leave a Reply

Your email address will not be published. Required fields are marked *