Hetan Tuku, Fen Deklara Laen Lanu Teen

Hetan Tuku, Fen Deklara Laen Lanu Teen

- in Nasional
180
0
Violensiabaku

DILI- Lezada ho inisial NS, tenke deklara iha tribunal katak, nia laen ho inisial AM, hanesan ema neebe lanu teen, tanba bainhira lanu, arguidu sempre halo agresaun hasoru lezada.

Tuir akuzasaun neebe tribunal lee sai husi Ministeriu Publiku katak, arguidu no lezada moris hamutuk hanesan fen no laen iha tinan 1997, no mos kaben iha Igreja, iha oan nain neen.

Hatan ba arguidu nia hahalok nee Ministeriu Publiku akuza arguidu hanesan autor ba krime violensia domestika ho forma ofensa integridade fisika simples neebe previstu no punidu iha artigu 145 kodigu penal, no lei violensia domestika 07/2010.

Hatan ba akuzasaun neebe iha arguidu deklara, faktus balu loos no balu lalos.

Hau nervoju hodi baku lezada tan, nia bosok fali hau, nia uja hela telefone hau foin husu nia dehan katak la uja ida. Depois iha kalan boot ami toba tiha, nia sai ba koalia ho mane ida iha liur, halo hau mos nervoju hodi baku nia, ”deklara arguidu iha sala julgamentu.

Nunee mos lezada dehan durante nee arguidu sempre baku nia. No mos arguidu hanesan ema neebe lanu teen, baihira iha osan, sempre sosa tua hodi hemu ho kolega sira.

Audensia julgamentu nee, prezide husi Juiz singular Ivan Suritay, Ministeriu Publiku reprezenta husi Prokurador Nelson Carvalho, arguidu hetan asistensia legal husi advogadu estajiadus. Notisia kompletu lee iha jornal STL edisaun Sesta (27/04/2018). Terezinha De Deus

Facebook Comments

Leave a Reply

Your email address will not be published. Required fields are marked *