HEJU Husu Autoridade Lokal, Labele Diskrimina Komunidade Aldea Rua

HEJU Husu Autoridade Lokal, Labele Diskrimina Komunidade Aldea Rua

- in Distritu
785
0
klase-paralelo

DILI-Halibur Estudante Juventude Uai-Uatu (HEJU) husu autoridade lokal sira labele halo diskriminasaun ba komunidade Aldea Watubala no Aldea Waimanuboe. Sira hatoo preokupasaun nee tamba durante nee sira haree, aldeia rua nee hetan diskriminasaun husi autoridade lokal sira.

Portavos HEJU, Nelson Marcal Freitas hateten, durante nee sira halo observasaun ba iha Suku Wailili, Postu Administrativo Baucau, Munisípiu Baucau. Sira nia observasaun hanesan kontrolu social. Nee sira halo ba Suku Uailili nia aldea hamutuk 10 maka hanesan, Aldea Uaimanuboe, Uatubala, Samalakuliba, Alala, Manulai, Ledatame, Afaicaimau, Afagua, Waturou de Xima no Uaturou de Baixo.

Sira observa durante nee Xefe Suku Wailili halo diskriminasaun ba povu aldeia Waimanuboe no Watubala. Izola komunidade husi dezemvolvimentu suku. Aldeia Waimanuboe no Watubala iha uma kain hamutuk, 200 resin, Waimanu-boe, 117 no Watubala hamutuk 90 resin.

Husi totál uma kain nee maka rezista ona, no populasaun balu neebe seidauk rezista família (sensus uma kain) ho númeru uma kain ne’ebé bo’ot, HEJU observa iha suku Wailili, durante tinan lima nia laran hahú hosi tinan 2012 to’o 2017, HEJU nota katak premeiru HEJU konsidera Xefe Suku Uailili halo abuzu de podér, izola komunidade aldeia Waimanuboe no Watubala, ba dezemvolvimentu iha suku,segundu Tratamentu Xefe Suku nian ba komunidade hare’e liu-ba Koor partidu, liu-liu populasaun ne’ebé ho ko’or partidu hanesan ho Xefe Suku, nee hetan tratamentu especial, hateten Nelson Marcal Freitas liu husi komferensia imprensa iha Kampus UNTL, Kuarta (12/7/2017).

Problema bee moos sai preokupasaun boot ba komunidade Aldeia Waimanuboe no Watubala tanba Xefe Suku Wailili, Hernani de Jesus haluha dada bee mos ba komunidade Waimanuboe no Watubala. Bee mos dada deit ba komunidade aldeia 8 hanesan Samalakuliba, Alala, Afacaimau, Ledatame, Manulai, Afagua, Waturou de Xima no Uaturou de Baixo. troka kanu dala tolu (3), bee kontinua dada maibé komunidade aldeia Waimanuboe no Watubala tenke la’o ain husi sira nia hela fatin ba fatin dook hodi kuru bee moos.

Ho problema nee, HEJU husu ba Xefe Suku Wailili, Hernani de Jesus labele halo deskriminasaun ba komunidade sira iha suku Wailili, liu-liu ba komunidade aldeia Waimanuboe no Watubala, abele halo tratamentu espesiál ba grupu balun ne’ebé ko’or partidu hanesan ho Xefe Suku, Husu labele uza podér hodi hanehan povu kbi’it laek sira, labele kria povu ida espesiál no la-espesiál.

Tuir informasaun, komunidade aldeia walu seluk ne’ebé asesu ba bee moos, hirak ne’ebé kuru ho Jeriken selu US $ 0.50 centavos kada fulan, no komunidade ne’ebé halo tenki be’e nian iha uma, fulan-fulan selu US $ 3 dollar.

Kestaun selu, HEJU la kestiona tanba selu hanesan parte ida husi kontribuisaun komunidade sira nian, maibé HEJU husu, ezekusaun orsamentu kontribuisaun ne’e tenke ho transparansia, labele tama ba bolus, Iha fulan ida liu-ba antes tama kampaña eleitorál ba eleisaun parlamentár nian, Xefe Suku, Senór Hernani de Jesus lori diresaun Servisu Agua no Saneamentu (SAS) no ONG Internasionál World Vizion, halo enkontru ho komunidade aldeia Waimanuboe no Watubala hodi dada be’e mo’os ba komunidade sira maibé to’o oras ne’e seidauk realiza.

Tanba ne’e ami deskonfia besik eleisaun ona ne’e Xefe Suku komesa hakbesik ba povu Waimanuboe no Watubala, lohi hela povu nia votus karik. Tanba durante ne’e komunidade halerik ba be’e mo’os, senór Xefe Suku laliga tiha. Tanba ne’e, HEJU husu ba Xefe Suku Wailili atu labele halo deskriminasaun no tenke dada be’e mo’os ba komunidade iha suku Wailili tomak, liu-liu aldeia Waimanuboe no Watubala ne’ebé dadauk nee halerik hela ba bee moos. Est-5

Facebook Comments

Leave a Reply

Your email address will not be published. Required fields are marked *