Heineken Desimina Informasaun Ba UNTL

Heineken Desimina Informasaun Ba UNTL

- in Economics
3441
0
klase-paralelo

DILI-Empreza Heineken desimina informasaun ba estudante husi Universidade Nasional Timor Lorosae UNTL hodi fo oportunidade ba estudante finalista no graduadu sira atu kapasita aan ba futuru kampu servisu.

Iha desiminasaun informasaun nee, dekanu Fakuldade Ekonomia I Jestaun Fernando Baptista Anuno ba jornalista sira iha Liceu UNTL kuarta (18/10/2017) nee katak, programa ida nee importante tebes tanba, fo dalan ba empreza Heineken atu hakbesik aan ba universidade Sira liuliu iha fakuldade ekonomia I jestaun no fakuldade enjenaria I teknolojia.

Oinsa mak atu hetan alunus kualifikadu tantu iha finalista no graduadu, katak alunus sira hetan ona kualifisaun iha siensia oinsa mak atu responde ba kampu traballu,”tenik dekanu FEG.

Ohin empreza Heineken lansa hela programa husi Heineken nian neebe hanaran “Go Places” neebe fo oportunidade ba estudante graduadu no finalist sira inklui mos ba joventude neebe iha interese hodi partisipa iha terinamentu neebe empreza Heineken oferese hodi kapasita jerasaun foun iha future kampu servisu.

Fernando konsidera momentu nee hanesan oportunidade diak tebes ba joventude no estudante sira atu bele prepara aan hodi servisu iha area saida deit liuliu iha Asean Pasifiku, atu nunee bele hetan esperiensia oinsa mak iha teoria no iha pratika.

Tuir nia katak, programa nee diak tebes ba estudante sira tanba ba dahuluk emprezariu hakbesik aan mai estudante sira para oinsa servisu hamutuk para bainhira estudante sira hakat ba kampu servisu, pelumesus estudante sira hatene ona konaba lalaok emprezasira nia servisu.

Ba oin Universidade tenke Asina MoU, atu nunee iha ona relasaun amizade, nunee kontinua reforsa ita nia atividade hanesan ekonomia, empreendedorizmu nunee bele lori produtu Heineken nia ba nia konsumidor,” Salienta Anuno.

Fontes nee akresenta, ba future programa nee presiza kontinua tanba parte ida fo oportunidade ba joventude Timor Leste atu bele prepara nia aan hodi kompete iha kampu servisu nia, inklui kria kampu servisu ba nia aan.

Entertantu Rita Caeira Alves nudar Officer Rekursus Umanu Heineken katak, programa APGP (Asia Pacific Graduate Program) iha programa nee oferese treinamentu tolu ba nasaun Heineken ka  APGP, treinamentu primeiru wainhira kandidatu neebe mak passa ona sei halao treinamentu primeiru iha Heineken Timor ho durasaun fulan ualu I treinamentu segundu no terseiru sei ba halao fali iha nasaun sira seluk.

Programa ida nee foka liu ba iha estudante graduadu no finalista, bagraduadu sira labele liu serbisu esperensia tinan rua, no mos bele koalia lian ingles, tanba programa ida nee sira sei hetan treinamentu tolu, neebe mak sei halao durante fulan 24 nia laran, kada fulan ualu primeiru mak iha timor, depois de fulan ualu hotu sira sei kontinua iha nasaun seluk depende ba department neebe mak nasaun sira seluk presiza” dehan Caeira ba jornalista sira

Objetivu husi programa ida nee atu hasae kualidade joven timor nian, ba hatudu sira nia aan iha mundu tomak/seluk, katak ita mos bele. No Heineken too ona iha timor hanesan kompana internasional primeira vez mai investe iha timor, no sai hanesan oportunidade ida mai ita atu oinsa ita lori ita nia aan liu husi konpana sira nee ba iha mundu seluk.

Iha fatin hanesan partisipante estudante graduada UNTL Deonisia Maria Almeida katak, programa APGP neebe mak oferese husi konpana Heineken, interesante tebtebes especial liu ba iha juventude sira neebe mak, iha interese boot atu tuir treinamentu iha area oi-oin. I programa ida nee oferese ba juventude sira neebe mak interese teb-tebes atu halo inovativu ba iha sira nia aan, no programa nee mos oferese ba graduadu sira atu tuir treinamentu ba iha  nasaun asia pasifiku depois de fulan ualu  sei halo rotasaun ba iha nasaun sira seluk.

Hau interesante tebtebes iha programa ida nee, no hau iha palnu hakarak desenvolve hau nia kapasidade liu-liu iha area neebe mak agora dadaun hau estuda ba, no hau hakarak halo mudansa ba esperensia neebe mak hau hetan ona, I kontnua aprende tan buat foun liuliu iha nasaun sira seluk hodi foti esperensia husi nasaun sira seluk”dehan Deonisia

Nia realsa liu tan programa ida nee oportunidade ida neebe kapas tebes, tanba nee husu ba maluk juventude sira, neebe mak hakarak aprende tan buat foun, no halo mudansa ba sira nia vida, aumenta esperensia, atu halo inovasaun ba sira nia aan rasik, bele mai involve iha programa ida nee atu nunee bele aprende diak liu tan, I fiar katak bainhira ita tuir treinamentu ida nee, halo buat neebe foun no aprende barak, nee laos iha nasaun ida deit maibe mos ba iha nasaun seluk ou halo rotasaun tanba nee husu ba maluk juventude neebe mak hakarak desemvolve sira nia aan bele mai involve iha programa ida nee. * Est UNTL1 no Est UNTL 4

Facebook Comments

Leave a Reply

Your email address will not be published. Required fields are marked *