Hatur Fatuk Dahuluk, Edifisiu PNTL

Hatur Fatuk Dahuluk, Edifisiu PNTL

- in Nasional
67
0
download (5)

Editor: Godinho Barros

DILI— Komandante Jeral Polisia Nasional Timor Leste (PNTL), Komisariu Polisia Faustino da Costa hatur fatuk dahuluk, konstrusaun  edifisiu foun Kuartel Jeral Polisia Nasional Timor Leste (PNTL).

Liu husi diskursu Komisariu Faustino dehan  konstrusaun  edifisiu foun PNTL nuudar projetu boot husi governu  ba instituisaun PNTL. Tanba   infraestrutura parte ida importante ba membru PNTL sira  halao knar ho diak no responsabilidade.

Tuir planu estratejiku dezenvovimentu nasional 2011-2030 , bainhira too iha 2030 PNTL instituisaun estadu ida neebe kredivel no konviabel tenke ho nia ekipamentu neebe adekuadu avansadu no modern, dehan   komandante  jeral  PNTL nee liu husi diskursu iha serimonia hatur fatuk dahuluk edifisiu faun PNTL, Caicoli Dili, Sesta (10/1/2020).

Komandante  jeral nee informa planu konstrusaun Kuartel Jeral PNTL  inisia ona  iha 2014, wainhira PNTL komanda husi Komisariu  Longunhos Monteiro, fo ona orientasaun komandu jeral PNTL, dirasaun administrasaun no planeamentu oinsa atu trasa  planu konstrusaun  Kuarter Jeral PNTL.

Ita hotu hatene  iha 2017  Timor Leste prequenta hela impase politika, iha 2017, soru mutu ho Ministru Defeza,  Senhor Agustino Sequira Somotxo, aktual Deputadu PN, ho Komisaun B-PN trata asuntu negosiu estranjeriu no Defesa, atu halo kontratu ho Kompania Shanghai Group hodi halo konstrusaun ba edefisiu nee. Bazea  ba prosesu neebe halao husi CAN, ADN no MPS, esplika Faustino.

Komandante Jeral nee akresenta  prosesu neebe halo husi CAN nomos MPS, nunee iha loron 5  Maiu 2019 hetan notifikasaun husi Ministeriu Justisa, husi familia uma kain hitu (7), simu ona indimizasaun husi governu hodi hamuk fatin, area konstrusaun edifeisu foun PNTL, maibe xefe familia  10 seidauk  hamamuk no ejize indiminasaun husi governu.

Komisariu relata  katak,  iha 2019 Ministru Defesa no Ministru Interior  Interinu hasain ordem ba kompania Shanghai Group hodi halo projetu nee iha loron 2  fulan Maiu 2019, kontratu neebe halo ho Kompania Shanghai  ho montante orsamentu U$ 10,177,638.20 centavos. Prosesu nee kontinua iha enkontru ordinariu iha (3/9/2019) korkorda katak fundu husi tasi mane aloka ba projetu nee, maibe orsamentu neebe preve tinan hirak liuba fila ba kaixa estadu.

Kompania Shanghai iha 2019  hatoo nia kontratu ho Ministru Intrinu konaba atu hahu konstrusaun kuartel jeral PNTL, nunee iha karta ida sita konaba material konstrusaun ninian. Iha (29/10/2019) Ministru Interior halo enkontru ho Kompania Shanghai Kontruction ba projetu nee, Kompania Shanghai ejize pagamentu projetu 25 porsentus antes.

Faustino informa edifisiu foun PNTL sei hahu konstrusaun depois lansamentu, husi parte PNTL husu ba komunidade afeitadu sira ba area  konstrusaun edefisiu, oinsa atu kolobora.

Ita labele hetan solusaun neebe diak ba konstrusaun kuartel jeral  PNTL. Komandu PNTL apresia no agradese ba governu, tanba  bele hahu inisia konstrusaun  kuartel jeral PNTL, neebe nota katak iha kontratu nee fo ba Kompania  sei hahu konstrusaun ho loron 672 ou tinan rua, Komandu orienta ona ba diresaun neebe iha Komandu Geral PNTL, oinsa atu kria lina kordenasaun no koperasaun liga ba prosesu konstrusaun  edifisiu nee. Informa Faustino

Ministru Defeza no Ministri Interior Interinu, Filomeno Paixao, dehan, konstrusaun  edifisiu Kuartel Jeral  importante ba PNTL, tanba  nuudar instituisaun ida atu halao servisu ba seguransa Interna, presiza kondisaun. Politika VIII governu  nian kontinua planu konstrusaun ba edefisiu ida nee. Nunee PNTL bele hetan estalasaun hodi halao servisu neebe diak, hanesan administrasaun  inklui  dirasaun sira seluk.

Edifisiu  neebe modernu tanba governu fo atensaun ba PNTL nia servisu, edifisiu ida nee primeiru mak Ministeriu Finansas tuir fali PNTL, ita husu ba Komandu PNTL. Ba oin halo ita merese governu fo atensaun, ita merese komunidade no sosiedade sira nia atensaun, se orsamentu neebe governu fo mai hodi halo uma neebe diak liu. Signifika katak ba oin Komandu PNTL sei fo seguransa diak liu ba  komunidade, dehan Filomeno.

Ministru Defeza nee relembra dutrina neebe PNTL iha, tan nee  husu ba Komandu Jeral PNTL ba oin tenke  kontrola neebe regorozu ba membru PNTL liu-liu ba sira neebe uza material, kadeia Komandu uza vertical, kadeia Komandu katak labele rona fali mesajen husi liur, hodi estraga instituisaun, maibe rona husi intelejen PNTL, antes atu halao operasaun. Durante operasaun kontaktu iha kadeia tun ba intelejen PNTL neebe mak iha, labele kontaktu fali ho ema sivil ba mai, ou rona fali mesajen husi ema sivil, maibe rona ba kadeia komandu.

Nee mak bele garantia seguransa, ba ita nia komunidade sira, maibe ita halo operasaun, ita rona fali mesajen husi liur, maibe la rona ba servisu informasaun polisia nian, nee halo buat hotu sala. Nunee mos tun ba iha terenu la komunika ba komandu, maibe komunika fali ba ajente nee sala, nee estraga ita nia servisu no ita nia misaun, relata MD nee.

Eis  Segundu Xefe Estadu Maior Jeneral F-FDTL nee dehan iha komandu  laiha negosia ba hirarkia, Komandante Polisa koalia, membru sira laos buti fali telefone. Ida nee komandu, duni  sai husi reuniaun.

Ita lakohi halo  hanesan, maibe duni sai foti prosesu, se mak fo poder nee ba iha Komandante Jeral, Prezidente Republika ho governu mak fo poder nee ba Komandante jeral PNTL, se nia koalia ita baku telephone nee labele, tanba poder tolu mak fo ba nia. Tanba hirarkia laiha ba oin laiha bei-beik deit, baku hela telephone nia mak sae fali mos ema la respeita nia nafatin, maibe imi hakarak sira respeita imi iha kraik, imi komesa respeita sira iha leten, ida nee mak ita bele garantia servisu lao ho diak, esplika Filomeno.

Enkuantu Xefi Suku Caicoli, Hipolito Marques Sarmento dehan, total xefi familia uma kain 17 mak hela iha area, maibe familia uma kain hitu (7) simu ona indiminasaun husi governu, sei hela familia uma kain 10 mak seidauk, tanba indiminasaun neebe  governu fo la tuir sira nia hakarak.

Nuudar xefi suku kontinua  kopera ho PNTL, governu ho komunidade sira oat prosesu konstrusaun  edifisiu Kuartel Jeral PNTL nee bele lao ho diak, tenik Hipolito.

Nia relata  familia uma kain 10 neebe rejeita indiminizasaun governu,  tau sira nia osan iha banku, nunee familia sira nee lakohi ba foti, tanba  valor   kiik liu, U$ rihun ruanulu, maibe ida nee  latoo. Augusto da Costa

Komentariu

Facebook Comments

Leave a Reply

Your email address will not be published. Required fields are marked *