Hasai Liafuan Traidor, Deputadu Lito Rambo Husu Diskulpa

Hasai Liafuan Traidor, Deputadu Lito Rambo Husu Diskulpa

- in Politics
3574
0
21392480_1032358820235272_1056240587_o

DILI-Membru Bankada PD, Manuel Tomas alias Lito Rambo ho ninia konsensia tomak, husu deskulpa ba maluk deputadu sira tanba hasai liafuan traidor momentu debate Programa GK iha Parlamentu Nasional (PN), semana kotuk.

Liu husi sesaun plenaria PN, Segunda (23/10/2017) Lito Rambo hateten, iha semana kotuk nia konsegue hasai liafuan neebe ladun diak. Nia hakilar hodi hateten, “traidor” iha PN bainhira debate Programa VII GK. Nia sente liafuan nee, ladiak mesmu la refere ba ema ruma. Nia husu diskulpa.

Hau husu deskulpa tanba iha semana kotuk, hau hakilar no hasai liafuan katak traidor. Maibe hau larefere ba ema ida,” hateten Lito Rambo.

Liafuan neebe nia hateten sai nee,  nia sente iha maluk balu sente ofendidu. “Maibe liafuan nee hau larefere ba deputadu/a se deit,” katak Lito Rambo.

Iha biban henesan, membru Bankada Khunto Luis Roberto da Silva hateten, Uma Fukun PN nee, povu nia uma. Nudar reprezenta povu, nudar orgaun soberanu ida, bainhira koalia politika saida deit, tenke kontrola linguajen. Se lae, ema bele dehan, Uma Fukun PN nee haree kapas tebes, maibe hasai linguajen ba malu ladun diak. Nee ejemplu ladiak ba povu.

Membru Bankada Fretilin, Josefa Alvares sublinha katak, nia konkorda ho maluk deputadu balu dehan, ita koalia tenke koidadu ho linguajen. Nudar reprezentante povu, koalia uza liafuan neebe edukativus hodi eduka jerasaun foun sira. Guilhermina Franco

Facebook Comments

Leave a Reply

Your email address will not be published. Required fields are marked *