Hasae Produsaun Distribui Trator

Hasae Produsaun Distribui Trator

- in Economics
108
0
Fini

DILI– Governu mak atu garante hasae produsaun iha rai laran maibe, agora tama ona ba tempu udan, trator no hand tractor seidauk distribui/desloka ba iha baze atu fasilita agrikultores.

Kestaun nee fo sai husi Reprezentante povu iha uma fukun Parlamentu Nasional PN, Deputada Maria Teresa, liu husi sesaun plenaria Segunda (09/10/2017) iha nia knar fatin PN.

Ita nia povu iha baze sente preokupa tebes tanba agora tama ona tempu udan, maibe agrikultor sira nia rai too agora seidauk fila tanba nee, husu ba Ministeriu kompetente atu tau importansia ho mekanismu oinsa atu bele desloka ekipamentus tun ba baze hodi apoiu servisu,” informa Deputada nee.

Nia mos informa liu tan katak, planu governu nian ba oin maka atu hasae produsaun agrikula iha rai laran. Tanba nee governu tenke desloka ekipamentus ba iha baze atu nunee bele fasilita diak liu tan povu nia servisu iha baze.

Iha fatin hanesan Deputadu Domingos de Carvalho mos hatutan, agora tama ona ba tempu udan tanba nee, Inan feto sira neebe hela iha area rural nee hahu halo sira nia atividade. No, atividade neebe maka sira halo nee maka atu kuda batar, kuda hare no balun halo modo.

Hau hanoin atu hasae ita nia produsaun ai han iha rai laran maka, governu tenke fasilita diak liu tan, servisu agrikultor sira nian iha baze, maibe antes nee ita governu estabelese ona programa fila rai gratuita, fiar katak agora sei iha kontinuasaun atu nunee bele fasilita servisu agrikultores nian iha trenu,”informa nia.

Nunee mos Prezidente PN Aniceto Guterres mos hatutan, preokupasaun deputadu sira nian nee importante tebes, tanba nee buka dalan oi-oin hodi bele resolve problema sira nee iha trenu.

Iha parte seluk too notisia nee hatun, STL seidauk hetan konfirmasaun husi Ministru Agrikultura. Madalena Horta

Facebook Comments

Leave a Reply

Your email address will not be published. Required fields are marked *