Hasae Kapasidade Povu Hodi Kombate Kiak

Hasae Kapasidade Povu Hodi Kombate Kiak

- in Notisias Online
584
0
feature3

DILI-Bankada FRETILIN iha uma fukun Parlamentu Nasional (PN) hare katak hakuran kiak laos redusaun numeru ema kiak deit ka rendimentu povu sa’e, maibe importante maka hasa’e kapasidade povu hodi kombate sira nia kiak rasik liu husi aktividades hanesan servisu komunitariu, kooperativa, fasilita povu sira hodi sai produtivu liu tan no hakuran dependensia.

Xefe bankada FRETILIN deputadu Aniceito Guterres hatete, Kiak laos deit atu hakuran, maibe tenke kombate tanba nia maka inimigu povu nian ba moris diak. Subsidiu ka tulun husi Governu hanesan instrumentu hodi motiva no fasilita povu hanesan autor dezenvolvimentu, tanba ne’e subsidiu ka tulun Governu nia labele sai hanesan sasukat uniku ba politika hakuran kiak.

Ho ida ne’e redusaun kiak fokus liu ba oinsa kualidade moris povu loron ba loron diak liu tan laos sukat deit husi osan hira mak Governu iha povu nia liman hodi gasta, atu hakuran ka redus kiak tenke hahu husi area rural tanba maioria ita nia povu moris iha area rural no mos rekursu produsaun mos mai husi ne’ebe, Dehan deputadu Aniceito liu husi Intervensaun Final do Debate Generalidade OGE 2015, iha PN, Dili, Kinta (04/12/2014).

Nia hatete, tinan-tinan aloka osan maibe seidauk iha relatoriu detallu konaba progresu saida mak atinji ho osan ne’e. Ezemplu iha OGE 2014 aloka tokon 3 ba suku ida produtu ida, maibe realizasaun oinsa. Informasaun kompletu iha STL Jornal no STL Web, edisaun Sesta (5/12/2014). Carmen Ximenes

Komentariu

Facebook Comments

Leave a Reply

Your email address will not be published. Required fields are marked *