Hasae Grau Dosentes

Hasae Grau Dosentes

- in Edukasaun
107
0
MESSK

DILI-Ministeriu Ensinu Superior Siensia no Kultura (MESSK), rekonese too agora dosentes iha ensinu superior privadu 50% ho grau lisensiatura, tanba nee presiza hasae sira nian grau ba oin.

Ba jornalista MESSK, Longuinhos dos Santos dehan, too agora dosentes iha ensinu superior privadu sira barak sei ho grau akademia lisensiatura.

Ita hotu hatene katak, iha 50% husi dosentes ensinu superior privadu maioria hanorin ho lisensiatura, para bele garante kualidade. Tanba nee MESSK iha politika ida, atu bele hasae grau akademika, neebe liu husi FDCH iha politika atu bele investe rekursu humanus ida nee, dehan MESSK Longuinhos ba Jornalista iha CCD foin lalais nee.

Longuinhos akresenta, tuir fali atu bele hasae mos konesimentu ba estudantes, liu-liu estudantes sekundariu, neebe mak atu tama iha ensinu superior, presiza iha konesimentu neebe diak.

Ita implementa politika nasional ida nee, implementa ano zero, liu husi ensinu superior publiku no privadu sira. Depois halo koneksaun ho ensinu superior sira, liu husi realizasaun konsellu reitores, neebe mak MESSK realiza, ita enkontru ba dala rua nian, atu bele sai hanesan forum dialogu ida, para oinsa mak bele melora diak liu tan,kualidade ensinu superior ida nee, tenik nia.

Longuinhos sublina, ba futuru dosente sira neebe ho grau lisensiatura, presiza hasae nafatin sira nian grau, atu nunee bele redus numeru ida nee iha ensinu superior privadu sira, tanba nee MESSK liu husi FDCH sei fo nafatin apoiu ba asuntu ida nee.

Entretantu Reitor ISC, Sebastiao Perreira dehan, koalia konaba dosente sira neebe ho grau lisensiatura, ba oin tenke redus iha ensinu superior, tanba politika husi MESSK, dosentes S1 labele hanorin nafatin iha universidade, se hakarak hanorin presiza hasae nivel akademia ninia.

Ita hotu hatene katak, politika husi MESSK nian, husu universidade sira presiza redus ona dosente neebe ho grau lisensiatura, tanba nee,ba oin husu nafatin apoiu ba governu, bele fo apoiu nafatin, maibe durante nee, ami nian dosente sira ba kontinua sira nian estudu iha liur, tenik nia

Nunee mos Reitor UNDIL, Jose Agostinho Belo hatete, dosente iha UNDIL, ba sira neebe ho grau lisensiatura, bele fo asisten dosente, maibe UNDIL mos nafatin hasae kualidade dosente sira nian, liu-liu haree ba iha grau.

“Ita presiza hasae nafatin ita nian grau akademia dosente sira nian, atu nunee ita bele garante ba iha kualidade,”nia hatete. Jacinta Sequeira

 

Komentariu

Facebook Comments

Leave a Reply

Your email address will not be published. Required fields are marked *