Hasae Bandeira Meia Haste

Hasae Bandeira Meia Haste

- in Nasional, Politics
38
0
Maria Angelina Lopes Sarmento

DILI-Parlamentu Nasional (PN), deside hasae bandeira maia haste hodi fo homenajen ba saudozu  Gilman dos Santos Exposto neebe husik ona mundu nee.

 Tuir  Primeira Vise Prezidente Parlamentu Nasional, Maria Angelina Sarmento, desizaun nee foti liu husi reuniaun lider bankada iha Parlamentu Nasional.

Bandeira meia haste nee hanesan omenajen ikus ba deputadu Gilman,dehan Angelina ba Jornalista iha PN,  Segunda (25/11/2019).

Iha fatin hanesan Deputada Josefa Pereira husi bankada Fretilin, dehan triste tebes wainhira simu informasaun kona-ba Gilman nia mate.

Lakon kolega ida diak tebes, ami bele diferente ideolojia politika. Ita hotu hotu dalan mak nee duni,  kolega ida neebe muito tolerante ba situasaun balun tanba ami dalabarak radikal, maibe kolega nee tolerante tebes,” dehan Josefa.

Deputada Gilman tuir Deputada Josefa sei produtivu maibe planu Nai Maromak nian oin seluk.

Nunee mos Deputadu Bankada CNRT, Aderito Hugo da Costa, hatoo sentida kondolensia ba familia matebian Gilman. Hakfodak tebes ho informasaun nee,” dehan deputadu Hugo.

Nia informa too oras nee saudozu sei  partisipa ativu hanesan membru Komisaun A nian, saudozu fo kontribuisaun makas iha audensia orsamentu 2020 nian,katak Hugo. Luciana Ximenes/Madalena Horta

Komentariu

Facebook Comments

Leave a Reply

Your email address will not be published. Required fields are marked *