Haris Fatin Lecidere Lafo Imajen Diak

Haris Fatin Lecidere Lafo Imajen Diak

- in Metro
450
0
lagro

DILI- Largo Lecidere hanesan jardin neebe kuinesidu iha Kapital Dili maibe, lafo imajen neebe diak tanba, haris fatin Largo Lecidere rasik sabraut halo vizitantes sira sente laseguru.

Tuir Xefe Suku Bidau Lecidere, Luis Ribeiro Soares Pereira katak, presiza tau antesan masimu ba haris fatin atu nunee fo ambiente neebe harmonia no saudavel ba vizitantes sira. Tanba Jardin Largo Lecidere laos deit vizitantes mai husi rai-laran deit, maibe inklui mos husi estrangeiro.

Tanba ho fasilidade neebe ladiak fo impaktu negativu ba vizitantes sira hotu, tantu husi rai laran no estrangeiru. Nunee mos hatudu imagen ida neebe lafurak ba publiku.

Hau nia pontu de vista ba kondisaun haris fatin neebe mak aat, lolos nee responsablidade husi kompania neebe tama konta ba fatin nee. Maske  husi Munisipiu mai too iha nee hamutuk ho ami autoridade suku iha ona medidas badak. Nee duni, konsege retira duni sira neebe faan sasna iha neeba konsege sai duni, tanba laiha lisensa ba sira atu faan iha neeba,”katak Luis ba STL iha Sede Suku Bidau Lecidere, Kuarta (13/9/17).

Tuir Luis katak, Largo Lecider hanesan mos fatin neebe atrai turista sira nee duni, presiza tau fasilidade neebe diak. Atu nunee, vizitantes sira kuandu utilize fasilidade hirak nee presiza ho konsiensia.

Nunee mos vizitantes sira labele estraga fasilidades, tanba fatin nee mos hanesan turistiku hodi publiku hotu-hotu atu asesu inklui ro-ahi neebe  halo viagem husi Atauru mai sempre para iha fatin Largo Lecidere.

Nia mos propoin ba ministeiro relevante presiza tau atensaun masimu hodi kontrola espasu bubliku sira nee. Atu nunee labele hatudu imagem  neebe  ladiak ba ema hotu-hotu inklui iha rai liur. Presiza hadia mos rede sosial iha fatin nee atu estudantes sira bele utiliza hodi fasilita sira nia prosesu estudu.

Nunee mos,  Baltazar S. Jovca nuudar estudante dehan, haris fatin Largo Lecidere agora ho kondisaun neebe ladiak neebe  fo impaktu boot ba vizitantes inklui rede sosial neebe estudante sira utilize, tanba nee propoin ba estado presiza hadia atu labele fo impaktu ba publiku.

Tuir Baltazar katak, fatin nee lahanesan uluk e halo foufoun, iha tempu nee ba preparasaun fatin ba fasilidade hotu-hotu estavel. Maibe, agora fasilidade hirak nee kuaze maioria ho kondisaun neebe labele asesu, tanba nee presiza tau seguransa ruma hodi kontrola fasilidade hirak nee atu labele estragu husi publiku.

Iha fatin hanesan estudante UNTL Duarte Soares salenta, Largo Lecidere hanesan fatin neebe estrateziku hodi atrai turista sira, maibe fatin nee kuaze fasilidede barak aat, liuliu haris fatin  nakonu ho foer ho iss fo impaktu boot ba ema hotu.

Duarte hatutan, fatin nee hanesan turismu entaun presiza tau atensaun, tamba vizitantes sira husi estrangeiru mai hare ambiente nee ho fasilidade ida neebe ho kondisaun aat bele sai fali risku boot ba vizitantes. Estajiadu-2

Facebook Comments

Leave a Reply

Your email address will not be published. Required fields are marked *