Hare Kulit Iha Armajen Governu Balun Aat

Hare Kulit Iha Armajen Governu Balun Aat

- in Economics
133
0
1604382_1033057823486533_1559829927161377424_n

DILI – Liu husi fiskalizasaun neebe maka Membru Parlamentu Nasional husi komisaun D halo iha armajen governu nian, neebe lokaliza iha Bebora Dili nomos iha Tibar, identifika katak, stok hare kulit balun kondisaun ladun diak ona, no seidauk ba dulas tanba kontratu ho empreza neebe dulas hare kulit nee para tiha ona.

Kestaun nee foti husi reprezentante povu iha uma fukun Parlamentu Nasional, Deputada Ana Belo, liu husi sesaun plenaria Tersa (15/01/2019) iha Parlamentu Nasional.

Fos neebe ami ba haree liu liu iha armajen Bebora neebe tau hare kulit nee, balun dulas ona tanba nee ita iha  toneladas 369, no stok hare kulit balun kondisaun ladun diak ona no seidauk ba dulas tanba kontratu ho kompana neebe dulas hare kulit nee paradu tiha ona no sira labele kontinua tanba orsamentu laiha,” informa Deputadu iha sesaun plenaria.

Nia mos afirma liu tan katak, stok hare kulit neebe sei iha Armajen governu nee, sei hela mil kinetus e korenta oitu toneladas.

Tuir Deputada nee katak, fos importasaun iha armajen 03 ihaTibar, agora dadauk sei hela, mill sesentu binte sinku, sinkuenta dois toneladas.

Ami mos husu ona informasaun balun husi parte armajen nian katak, fulan ida nee, sira sei aloka ba iha merenda eskolar, nee iha Dili laran deit no tuir informasaun neebe iha katak, fos importasaun nee maka ita la hela estok tau iha armajen maka, fulan rua tolu tan ita sei infrenta hamlaha,”dehan Deputada nee.

Tuir nia katak, agora dadaun iha munisipiu balun hasoru hela problema, dezastre naturais, karik stok fos neebe iha maka hasai hotu ba ema sira neebe hasoru dezastre nee maka, fulan rua tolu mai mosu tan dezastre iha fatin balun, nee susar tebes governu atu halo intervensaun tanba stok fos iha armajen governu menus. Madalena Horta

Facebook Comments

Leave a Reply

Your email address will not be published. Required fields are marked *