Hapara Violensia Kontra Feto

Hapara Violensia Kontra Feto

- in Nasional
24
0
download (1)

DILI-Organizasaun pro ema ho nia parseiru sira marka enkontru ho Prezidente Republika atu hasae mensajen ba mane sira  hapara violensia kontra feto noo labarik iha sosiedade nia leet.

Diretora Pro Ema Simone Assis dehan, nia kontente hasoru malu ho Prezidente Republika, Francisco Guterres Lu Olo hodi koalia asuntu feto nian liu liu hakarak  husu Xefe Estadu hatoo mensajen ruma ba iha sidadaun tomak liu liu mane sira prevene halo violensia hasoru feto no labarik.

Ami mai atu fo hanoin ba Prezidente konaba importansia feto sira iha sosiedade traballu. Pro Ema Dezenvolve atu empodera no hakbiit feto no haforsa feto sira liu liu feto neebe mai husi vunerabilidade social,dehan  Diretora nee  ba Jornalista iha palasiu Prezidente republika Bairru Pite, Segunda (25/11/2019).

Diretora nee informa loron espesial violensia kontra feto mundu tomak hamrik hasae sira nia solidaridade no hakarak halakon violensia.

Simone dehan sira hasoru prezidente husu hasae mensajen ba mane oinsa halakon violensia kontra feto no koalia no enkoraza feto sira katak bainhira hasoru violensia labele nonok maibe hatete sai hodi husu justisa atu nunee ema neebe mak halo violensia bele hapara.

Ami kontente tebes bele hatoo mensajen ida nee ba prezidente Republika atu nunee hatoo iha loron internasional kontra feto. Tanba iha Timor Leste Violensia kontra feto numeru aas tebes nee realidade no ami mai entrega ami nia produtu neebe feto sira halo liu husi produtu local,dehan nia.

Nia hatutan mehi Timor Leste sai hanesan nasaun neebe livre husi violensia hasoru feto no labarik,  ida nee mak lori grupu nee hasoru malu ho Prezidente Republika.

Liu husi enkontru katak Simone Prezidente Republika Francisco Guterres promote sei hasae mensajen ida ba populasaun tomak liu liu ba mane sira konaba feto nia valor no dignidade no problema neebe mak Timor Leste hasoru liu liu violensia kontra feto no labarik.

Prezidente mos  preokupa tebes ho situasaun nee nuudar  xefe estadu, no hanesan mos aman nasaun husu haforsa tan programa balu hodi halakon violensia kontra feto no labarik iha rai laran.

Iha fatin hanesan Manuela Lucia Coreia hanesan Tim istoria Pro Ema dehan agora dadaun iha Timor Leste violensia domestika aas, kauza husi violensia nee tanba menus konesimentu.

Nia hatutan oras nee NGO mak tau matan ba feto sira no barak tebes mak esforsu oinsa luta kontra violensia kontra feto no buka meus halakon violensia iha familia.

Nunee mos Prezidente Redi Feto Judite Dias Ximenes dehan  ohin loron violensia hasoru feto numeru aas, nee signifika  ema komesa komprende ona konaba lei kontra violensia domestika no sira konsidera ona katak violensia Domestika nee laos bikan kanuru mak tarutu, tanba nee wainhira iha problema vitima sira  hatoo  ba  polisia ou autoridade lokal rezolve.

Nia enkoraza nafatin feto sira oinsa mak luta nafatin ba direitu feto nunee mos bainhira moris iha violensia nia laran, labele nonok maibe hatoo ba iha orgaun relevante atu bele rezolve tuir dalan legal. Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *