Hapara importasaun Husi Rai Liur, Tinan 5 Mai Reforma Agrikultura

Hapara importasaun Husi Rai Liur, Tinan 5 Mai Reforma Agrikultura

- in Economics
2951
0
export-import-trade-23277750

DILI—Ministru Planeamentu Investimentu no Estratejiku (MPIE) Kay Rala Xanana Gusmao dehan planu estratejiku nebe planeia oras nee dadaun no mehi ba tinan lima mai hanoin ona atu reforma agrikultura no hapara importasaun.

Sedauk diak tamba ita foin tinan 15 hadia diak liu tan. Justisa sedauk diak, parlamentu mos sedauk diak. Neneik dudu nafatin hakilar malu nafatin. Maibe tinan 5 mai nee dezenvolvimentu ekonomia halo ona estrada balun no ponte balun sedauk barak.  Halo dadauk ba labele haluhan tinan 5 mai nee dudu ekonomia nee halo nusa. Hapara importasaun husi rai liur,”dehan Xanana Gusmao liu husi nia deskursu iha seremonia halibur Komoponezes husi Munisipiu 13 nebe halao iha Hudi-Laran, Dili, Domingu (18/6/2017).

Iha tempu neba mos antes atu hato nia deskursu naruk nia sei husu minutu da selensiu ba matebian, rai lulik, fatuk lulik nia partisipasaun. Minutu da silensia nee nia harohan ba Matebian hotu tau matan ba sira buka hanoin nafatin atu tau matan ba rai ida nee povu ida nee matebian sira. Sira hakruk ba imi. Fo laran diak ba ami, atu kaer metin unidade nasional hametin pas no estabilidade iha rai ida nee. Matebian sira rai lulik sira lakohi tan tau matan ba no fo forsa, no neon diak mai ba, fo neon malirin ba matebian sira. Iha leten as sira lahusik liman sedauk halo buat barak maibe atu halibur iha nee husu matebian sira tun iha nia leet aijuda sira.

Matebian sira hakruk nafatin ba imi rona nafatin ba imi maromak iha leten as ba aijuda, atu tulun bebeik sira rai no rai lulik ida nee, horon rai nia is kaer sira tulun bebeik fo laran hakmatek ba haraik ba pas, presiza ami hamutuk. Esforsu bot servisu makas.

Xanana dehan realidade nebe akontese katak povu agrikultura barak nebe iha rai lubuk ida maibe nia produtu lokal labele agoenta sira nia moris durante fulan tolu ga haat deit maibe lato tinan. Tamba nee maka planu hanoin ona ba neba atu reforma setor agrikultura sira, no dezenvolve diak no dezenvolve mos setor privadu diak iha dezenvolvimentu nian.

Indepedensia ona nebe iha tinan 2006-2007 liu ba mosu oho malu, sunu uma no seluk tan maibe iha tempu neba maka nudar tinan atu fo solusaun ba situasaun nebe akontese liu ona. Tamba nee maka iha tinan 2009 liu ba dehan adeus konflitus. Maibe hanoin ba oin no loke dalan ba dezenvolvimentu.

Tamba nee maka hahu iha 2010-2011, Xanana sai ba postu administrative hotu hodi hare realidade nebe mosu iha povu sira nia leet. Gambar nee mak governu tenki iha hanoin ona atu halakon importasaun no hanoin ona ba oin atu halo produsaun barak no halakon ona sosa sasan husi rai liur. Tamba bele halo osan sai hotu ba liur. Tenki hahu ona agora hakiak animal, barak tamba nasaun vizhinu hanesan Indonezia mos sei sosa animal husi Timor ninian ida nee atu halo agrikultor sira bele hetan osan.

Iha Tibar halo ona portu bot ida, maibe ema dehan gasta osan barak povu moris kiak. Tinan lima mai nee ita atu hare ba ekonomia. Tamba iha tinan 2007-2010 sedauk preparadu ba ukun an, povu terus. Estadu iha airin haat maka hanesan prezidente republika, parlamentu, governu no justisa. Maibe realidade justisa no parlamentu sedauk lao diak,”nia dehan.

Reprezentante Movimentu Komponezes Timor Leste (MOKATIL) Arsenio Pereira da Silva dehan  nia fiar ba Maun bot Xanana Gusmao nudar protector diak iha Timor Leste no fiar katak, nia mak sei lori rai rohan, natar rohan, tos rohan nee atu iha komprimisiu atu proteze TL ba futuru. Primeiru tenki reforma agrarian hodi produs agrikultura.

Segudnu governu sei fo subsidiu ba agrikultor sira iha Timor tomak, terseiru hamosu  soberania aihan hodi redus importasaun, kuartu hakbesik an ba agrikultor, no sinku hamutuk povu moris diak. Ida nee maka husu ba governu atu tau liu ba perioridade, atu povu agrikultura sira bele moris no dezenvolve agrikultura sustentavel.

Hau hakruk bot ba maun boot Xanana Gusmao hanesan komponezes ba ita Timor tomak nebe forte makas lori rai rohan no rai leten, husi tasi laran, iha tos laran neba iha natar laran. Protektor Xanana atu ita hotu komprimisiu ida atu proteze ita iha timor. Ita hotu hatene iha mandatu 5  iha ita nia fuan katak reforma agrarian hodi produs agrikula, Governu sei fo subsidiu ba komponzes Timor tomak husi tasi feto to tasi mane,”nia kualia.

Abel Boavida dos Santos nudar Komponeze husi Munisipiu Liquica dehan governu presiza tau liu perioridade ba agrikultor sira atu nunee povu bele moris diak. Vida agrikultor nia moris diak tenki governu hadia maka estrada, merkadu no seluktan atu nunee bele aijuda povu atu faan nia produtu sira nee ba merkadu atu bele hetan osan.

“Tuir hau nia hare katak governu tenki tau matan ba agrikultor sira iha Timor. Maibe presiza mos hadia nia kondisaun sira maka hanesan estrada, merkadu atu nuee bele loke dalan ba povu agrikultor sira bele faan nia sasan atu bele hetan osan,”nia tenik tuir tan. Justinho Manuel

Facebook Comments

Leave a Reply

Your email address will not be published. Required fields are marked *