Hanorin Lisensiatura Laos Nivel Lisensiadu

Hanorin Lisensiatura Laos Nivel Lisensiadu

- in Edukasaun
375
0
Kualidade Edukasaun

DILI – Ministeriu Edukasaun (ME) kontinua esforsu hadia kualidade ensinu superior, liu-liu ba dosente sira atu nunee hanorin estudante lisensiatura labele ho nivel lisensiadu, ida nee jeruk makan jeruk, hanorin lisensiatura tenke mestradu no doutoramentu.

Kestaun nee hatoo husi Vice Ministru Edukasaun Abel Ximenes katak, esforsu boot neebe ME halo mak mellora kualidade profesores iha ensinu superior sira.

Esforsu boot ida mak sira halo dadaun mak mellora kualidade profesores, hanesan iha ensinu superior sei iha  profesores 1.200, neebe ho lisensiatura hanorin lisensiatura, ida hanesan bahasa Indonesia katak jeruk makan jeruk, tanba lisensiatura tenke hanorin lisensiatura nee ladiak,” katak Vice Abel ba STL hafoin remata enkontru ho prezidente CCI-TL, iha bairu Farmoza edifisiu CCI-TL, Kuarta (12/04/2017).

Nia dehan, ba dosente 1.200 tenke foti area mestradu, neebe agora buka hela instituisaun ida-idak tuir kbiit tenke fo formasaun haruka ba liur, maibe atu haruka ba liur nee numeru oituan no presiza osan barak.

Entretantu Reitor UNTL Francisco Miguel Martins hatete, kona ba hadia kualidade dosente presiza, tanba nee agora sira nia dosente kontinua ba estudu iha rai liur, hodi hasae konesementu no grau akademika, hanesan agora iha dosente atus 1 resin mak ba kontinua hela estudu iha rai liur, nunee sira fila mai bele hanorin estuante sira ho kualidade diak liu tan. Guilhermina Franco/Jacinta Sequeira

Facebook Comments

Leave a Reply

Your email address will not be published. Required fields are marked *