Hanoin Loron 28 Novembru, Suku Motael Realiza Aktividade Desportu

Hanoin Loron 28 Novembru, Suku Motael Realiza Aktividade Desportu

- in Desportu
3801
0
STL Joga

DILI-Hanoin loron Proklamasaun Unilateral RDTL, 28 Novembru 1975, Suku Motael sei realiza aktividade desportu.

Aktividade desportu atu halao nee barak, hanesan jogu footsal, boxing (tinju), dada tali, halai karon, inklui loke pameran iha Jardim Motael. Tuir planu, jogu footsal sei halao dia 25 de Outubru 2017, no Pameran sei loke iha dia 28 de Novembru 2017. Atividade hirak nee inisiativa husi juventude sira, hateten Xefe Suku Motael,  Cornelio Araujo Lopes iha ninia knar fatin, Tersa (17/10/2017).

Atu realize aktividade desportu nee, sira hatoo proposta ba Ministeriu Administrasaun Estatal no Kompania Long maibe sedauk hetan resposta. Maske nunee, aktividade desportu halao nafatin. Agora dadaun, partisipante sira rejistu hodi tuir jogu footsal, boxing, dada tali, no halai karon.

Tuir planu, aktividade footsal suku 26 iha Dili laran sei partisipa. Suku sira mak atu partisipa mak hanesan, Suku Becora, Lahane Oriental, Lahane Osidental, Comoro, Fatuhada, Bairu Pite, Kampung Alor, Kolmera, Vila Verde, Caicoli, Lising Fol, Bidau Santana no sel-seluk tan.

Komisaun Organizadora Silvina da Conceincão afirma, ba aktividade footsal, sira rasik mak organiza no uja sira nia osan hodi halao aktividade nee. Ba cabang desportu ida nee, sira halo registu komesa dia 15 Outubro 2017. I jogu nee komesa halao iha dia 25 Outubro 2017. Too agora sira regista ona klubu footsal, 26 ona.

Atu tuir kompetizasaun jogu ida nee, ninia kriteria maka hanesan data nebe mak hahu registu husi dia 5 too 21 de Outubro, hahu mai registu iha dadersan komesa husi tuku 8 too tuku 5 loraik fatin nebe mak hodi rezistu iha duni sede suku Motael.

Kriteriu registu husi partisipante mak tuir mai nee tenke foti formulariu depois registu ho osan Lima puluh dolar, nomos iha osan jaminan tenke ho dua puluh lima dolar, nomos jogadores sira hotu sei hatama kartaun eleitoral fotokopia ho tan foto koloridu tahan rua husi jogadores idak-idak.

Joventude Suku Motael, Herculano de Jesus hateten, aktividade nebe krea rasik husi suku motael nee hanesan atu hodi halo amizade entre joventude sira para hasae talentu jogador sira nian, nebe aktividade ida nee hanesan dalan diak ba komunidade sira liliu ba joventude sira. Nomos loke pameran iha iha Jardin Motael.

“Nudar joventude, hau husu ba maluk sira tenki kria estabilidade, hahu husi aktividade sira hanesan nee para hametin unidade diak liutan. I ohin loron iha kapital Dili, ita rona situasaun konfrontu entre joventude iha bairu-bairu. Ami sente, aktividade ida nee bele dada joventude sira para bele koinese malu diak liutan,” hateten Herculano de Jesus. Estajiadu UNTL-3

Facebook Comments

Leave a Reply

Your email address will not be published. Required fields are marked *