Hamosu Asidente Bebeik, PNTL Sei Halo Opersaun Ba Joven Hemu Tua Iha Estrada

Hamosu Asidente Bebeik, PNTL Sei Halo Opersaun Ba Joven Hemu Tua Iha Estrada

- in Metro
862
0
PNTLll

DILI – Asidente no problema neebe mosu bebeik iha komunidade nia leet, nee mai husi hemu tua arbiru iha dalan, tanba nee hahu agora Polisia Nasional Timor Leste (PNTL) sei halo opersaun ba joventude sira neebe hemu tua iha estrada ibun.

Tuir Komadante PNTL, Komisariu Julio Hornay katak asidente trafiku nee ema hotu rekuinese, PNTL mos rekuinese katak asidente trafiku nee barak ninia kauza sira nee tanba falta kontrola, liu-liu fator umanu, la kontrola aan, hemu tua lanu, lori kareta iha kalan boot, ida nee maka kauza husi asidente sira mosu barak.

Maibe ita hotu-hotu espera katak husi kazu sira nee ita hotu sente katak ida nee problema ida ba ita, liu-liu ba joven sira katak ita nia saude importante, moris importante, duke ita halo tuir ita nia hakarak hemu tua lanu lori kareta e depois nufin kauza ita mate. Ami polisia sei halo opersaun ba joven sira neebe hemu tua iha estrada, depois ita hare fali ema sira faan tua arbiru iha fatin-fatin neebe maka laos faan tua iha neeba, depois husi neeba kauza asidente no kauza problemas,”hateten Julio Hornay, ba Jornalista sira, hafoin remata enkontru ho Prezidente Republika Taur Matan Ruak, iha Palasiu Prezidensial, Aitarak Lartan, Dili, Kinta (22/09/2016).

Iha parte seluk Xefi Joventude Comoro Rosalino de Fatima hateten Polisia foin hakfodak atu halo opersaun ba joventude sira neebe kalan-kalan hemu tua iha estrada ninin, durante nee sira ba neebe, tanba impaktu husi hemu tua maka kalan-kalan, ema tuda malu no akontese asidente iha fatin-fatin. Informasaun kompletu iha STL jornal no STL Web, edisaun Sesta (23/9/2016). Joao Anibal

Komentariu

Facebook Comments

Leave a Reply

Your email address will not be published. Required fields are marked *