Halo Rahun Sasan Arguidu Selu $ 200.00

Halo Rahun Sasan Arguidu Selu $ 200.00

- in Krime
28
0
87f31663eb075b743f551142bef5f125_w340_h250_cp

DILI-Tribunal Distrital Dili (TDD), halao julgamentu ba iha arguidu FS, AS, LS no PS, neebe halo lezadu NJ, AS no RA sira nia sasan uma laran rahun.

Antes atu tama julgamentu, tribunal hare katak krime nia natureza semi publiku lei fo dalan atu bele dada fila, tanba nee tribunal husu ba iha lezadu sira aseita atu bele dada fila krime nee.

Iha tentativa lezadu sira mos aseita atu bele dada fila krime nee, maibe husu arguidu sira atu selu sasan neebe sira halo rahun.

Tanba nee arguidu sira mos aseita atu bele selu sasan sira neebe sira halo rahun. Arguidu sira promete sei selu ho osan $ 200.00 USD, bazeia ba osan neebe mensiona iha indimizasaun.

Rona tiha husi parte rua, tribunal mos fo advertensia ba iha arguidu sira, no haruka arguidu no lezadu sira hadame malu kedan iha sala julgamentu nia oin.

Depois tribunal homologa no absolve arguidu husi instansia.

Tuir faktus katak, lezadu nain tolu la iha relasaun familia no arguidu sira. Iha loron 3 fulan Fevereiru 2019, iha Likisa lezadu NJ halai hela motorizada,derepente deit arguidu AS hare lezadu,  no bolu lezadu atu sira nain rua jentel, tanba nee lezadu mos hakarak hodi ho arguidu baku malu.

Baku malu hotu lezadu kontinua konduz nia motor, halai iha merkadu laran hodi buka osan, lakleur lezadu simu kontaktu husi nia alin feto konaba problema neebe akontese iha lezadu nia nia uma.

Lezadu fila kedan ba nia uma hodi hare arguidu sira estraga lezadu nia sasan hanesan, televizaun kadera masa, tasu sanan no bikan. Depois de estraga tiha lezadu NJ nia sasan hotu, arguidu sira kontinua estraga lezadu AS nia sasan uma nian. Arguidu sira mos estraga lezada RA nia sasan uma nian.

Konsekuensia husi arguidu nia hahalok, fo prejuizu hamutuk $ 200.00 USD.

Arguidu sira hanesan autor material ba krime Danu Simples neebe previstu iha artigu 258 husi kodigu penal.Terezinha De Deus

Komentariu

Facebook Comments

Leave a Reply

Your email address will not be published. Required fields are marked *