Halimar Ho Kilat, Komisaun B Sei Koalia Urjente Ho Komandu Jeral

Halimar Ho Kilat, Komisaun B Sei Koalia Urjente Ho Komandu Jeral

- in Nasional
146
0
Munisoens

DILI – Oras nee servisu membru polisia sira gosta halimar ho armas estadu hodi tiru mate no hakanek joven sira, kazu nee akontese bei-beik ona, tanba nee Parlamentu Nasional (PN) husi komisaun B sei koalia urjente ho komandu jeral atu  haree ba kestaun nee.

Tuir Cesar Valente Komisaun B trata asuntu Defeza Seguransa no Negosiu Estranjeiru katak, atu bolu urjente komandu PNTL nee sira sei koalia iha meja komisaun atu nunee hodi rona husi parte seguransa, maibe sira husi parte politika nian haree para bele fo hanoin oinsa atu nunee eleisaun parlamentar nee mos lao ho diak.

Iha semana kotuk hau hatete ona katak ami sei koalia ho meza komisaun nian, para bele bolu komandu jeral PNTL nian atu mai, neebe ida nee ami sei koalia tanba agora mos ita besik tama ona eleisaun neebe iha tempu badak ami koalia ho komadu jeral atu hodi haree ba kestaun seguransa,” katak Deputadu Cesar ba STL iha intervista Tersa (16/05/2017) iha uma Fukun Parlamentu Nasional.

Nia hatete, kona ba problema sira nee sira husi komisaun B iha  ekipa ida  tuur ba iha terenu, hanesan foin dadaun nee iha munisipiu sira ekipa ba iha neeba hanesan foin dadaun nee ba iha Oe-Cusse hodi haree kestaun  fronteira nian i oinsa postu sira iha fronteira  atu nunee   sira nia mandatu hotu bele husik hela buat balu ba iha komisaun atu nunee aban bainrua deputadu foun sira mai  bele iha referensia hodi lao tuir saida mak sira halo hela.

Nunee mos Deputadu husi Bancada PD Paulino Monteiro  hatete, husi bancada PD haree katak husi hahalok membru polisia sira neebe mak halao hahalok ladiak, hodi halakon ema nia vida, maibe iha rai ida nee ema hotu-hotu iha direitu para atu moris, tanba nee mak oinsa atu proteje  ema hotu nia moris husi kriminiza ou hamate ema seluk nia vida. Guilhermina Franco

Facebook Comments

Leave a Reply

Your email address will not be published. Required fields are marked *