Halakon Romaldo Nia Vida, Clementino-Juvensio Selu 3000

Halakon Romaldo Nia Vida, Clementino-Juvensio Selu 3000

- in Notisias Online
669
0
Tribunal

DILI-Tribunal Distrital Dili (TDD) aplika pena suspensaun tinan tolu no pena indimizasaun sivil $3000 ba arguidu Clementino da Costa no Juvensio Amaral tanba provadu halakon vitima Romaldo Soares nia vida.

Liu husi leitura akordaun tribunal deklara, Ministeriu Publiku akuza arguidu nain rua ho krime homesidu simples, maibe tribunal altera ba krime agresaun fisika agravadu. Tanba arguidu sira laiha intensaun atu oho mate vitima, maibe tanba sira nia hahalok mak vitima hetan kanek iha ulun no tuir relatoriu autopsia nian katak vitima hetan pendarahan iha ulun mak halo nia mate. Arguidu sira halo agresaun fisika ba vitima, tanba nia bok sira nia prima iha loron (5/07/2011) tuku 9:00 kalan iha merkadu Halilaran. Ho vitima nia hahalok neemak, arguidu sira halo agresaun ba nia too hetan kanek iha ulun hodi halo pendarahan too nia mate.

Ho arguidu sira nia hahalok nee tribunal aplika pena prizaun tinan tolu no suspende tinan tolu. Vitima mate husik hela nia kaben no oan ida, tanba nee arguidu sira selu mos indimizasaun sivil $3000 ba vitima nia kaben. Kada arguidu ema ida selu $1500 ba lezadu nia kaben depois loron 15.

Antes nee sasin Maria Natividade de Jesus deklara, iha loron (5/07/2011) tuku 9:00 kalan iha merkadu Halilaran nia ho nia primu Cirilo sosa nasi kotak, pulsa no sigaru. Nia sosa nasi kotak iha portaun bot no Cirilo sosa pulsa no sigaru iha Pertamina nian. Depois sosa nia hamrik hein Cirilo iha portaun nasi kotak nian. Derpenti vitima hakat mai rakut iha nia kabas, buti susun, rasta liman ba mai hodi tolok ho liafuan at. Vitima rasta nia ba mai, derpenti nia hare Adao liu nia hakilar husu ajuda.

Iha fatin hanesan sasin Cirilo da Costa mos deklara hanesan sasin Maria Natividade, tanba momentu nee sira nain rua mak lao hamutuk. Maibe iha primeiru vitima dada sasin Maria iha portaun laran nia la hare, tanba nia ba sosa hela pulsa no sigaru iha estrada sorin pertamina nian. No bainhira vitima dada Maria mai iha estrada no hakilar bolu nia naran, mak nia hare vitima buti hela Maria nia susun no rasta nia ba iha estrada klaran halo kareta atu soke nia hodi monu ba rai. Informasaun kompletu iha STL Jornal no STL Web, edisaun Kinta (7/7/2016). Domingas Gomes/ Gracilda de Oliveira

Komentariu

Facebook Comments

Leave a Reply

Your email address will not be published. Required fields are marked *