Hakotu Jaimito Nia Vida Ho Tudik, MP Ameasa RDC Tinan 20

Hakotu Jaimito Nia Vida Ho Tudik, MP Ameasa RDC Tinan 20

- in Krime
179
0

Dili- Ministeriu Publiku liu husi nia alegasaun ba kazu omesidu simples, solisita ba iha tribunal ba iha juis kolektivu, atu aplika pena prizaun tinan 20 ba arguidu RDC, tanba hakotu vitima Jaimito Dos Santos nia vida, ho tudik.

Ministeriu Publiku mos hare katak, liu hosi alterasaun Juridika, Ministeriu Publiku altera krime omesidu agravadu ba krime Omesidu Simples, tanba iha indisius lahare krime agravadu ida mak imputa ba arguidu.

Ministeriu Publiku mos husu atu aplika pena prizaun tinan 20, tanba hare ba krime omesidu Simples iha nia modura hateten katak, ajente neebe komete krime hodi hasai vitima nia vida, sei hetan pena as liu tinan 20 no minimu tinan 8. Tanba nee maka solisita ba iha tribunal kolektivu, atu aplika pena husi tinan 20.

Enkuantu defeza husi arguidu nian hateten, konkorda ho pedidu hosi Ministeriu Publiku nian, maibe husu atu atu tribunal aplika hosi pena minimu tinan 8.

Rona tiha alegasaun husi parte rua, tribunal deside adia hikas kazu nee ba iha loron 15 fulan Marsu  oras tuku 10:00, hodi rona leitura akordaun.

Audensia julgamentu nee prezide hosi juis kolektivu, neebe kompostu hosi juis Ivan Antonino, Edite Palmira no Srybuana da Costa, Ministeiru Publiku reprezenta husi prokurador Bartolomeo de Araujo, arguidu hetan asistensia legal hosi defensor publiku Jonas Hendrique. Notisia kompletu lee iha jornal STL edisaun Sesta (08/03/2019). Terezinha De Deus

Komentariu

Facebook Comments

Leave a Reply

Your email address will not be published. Required fields are marked *