Hakotu Impase, Desizaun Iha PR

Hakotu Impase, Desizaun Iha PR

- in Politics
169
0
download

Editora: Carme Ximenes

DILI – Atu hakotu impase politika neebe  lao iha rai laran, dezisaun iha Prezidente Republika Francisco Guterres Lú Olo nia liman.

Dehan Konselleiru Masimu AMP Naimori Bucar, ba jornalista sira, bainhira partisipa serimonia lansamentu bulletin IE edisaun I, iha Salaun Esperenz Elemloi, Delta, Dili, Tersa (11/02/2020).

Prezidente Republika deit mak iha kompetensia, laiha tan dalan seluk, so prezidente deit mak hola desizaun diak liu ba ita hotu, dehan Konselleiru Masimu AMP nee.

Naimori mos husu ema hotu pasensia, atu hein desizaun neebe  Prezidente Republika  foti, hodi bele hakotu impase politika iha rai laran, maibe buat hotu fila ba aan idak-idak no saida mak bele halo ba nasaun ida nee.

Presiza  ita hotu nia pasensia no fo ba ita nia lider sira neebe, mak oras nee sei iha, liu-liu maun Xanana rasik, maun Taur, maun Alkatiri, maun Ramos Horta no maun Lere, sira nee kompletu oinsa bele haree ba impase nee, maibe mos ida nee fila ba nai Prezidente rasik. Dehan Naimori.

Nia dehan, bainhira Prezidente Republika  hili dalan ba iha Eleisaun Antesipada, partidu KHUNTO prontu atu kompete, tanba ida nee kompetensia husi Prezidente Republika, laos KHUNTO nia desizaun.

Kona ba  lider rezistensia Xanana Gusmão neebe mak la partisipa iha dialogu lider rezistensia, Naimori dehan, Xanana Gusmão iha atividade barak tanba nee mak lapartisipa, no ida nee nia mos labele hatene.

Nia haktuir tan katak, Partidu KHUNTO sempre diak ho partidu hotu, maibe kona ba atu forma governu, KHUNTO seidauk simu kontaktu ruma.

Entretantu hatan kona ba deklarasaun Primeiru Ministru Taur Matan Ruak katak, AMP laiha ona tanba partidu CNRT, oho tiha  iha loron 17 no hakoi ona iha loron 20 fulan Janeiru 2020, Naimori dehan, tuir juridikamente sei eziste, tanba seidauk halo deklarasaun ruma liu husi komferensia AMP nian ba iha publiku.

Iha fatin hanesan Prezidente Institutu Of Education Antonio Guterres hatutan, haree ba impase neebe mak lao iha rai laran no ema hotu akompana semana rua resin, Prezidente Republika konvida lider politiku no entidade hotu, atu tuur hamutuk fo hanoin ba malu, oinsa solusiona impase politika, neebe  oras nee lao iha rai laran.

Hanesan joven no komunidade ida no povu babain ida ami hatete deit katak, premeiru ita hotu fo konfiansa ba aman Nasaun, ita garante katak ita nia aman nasaun sei foti desizaun justu, demokratiku tuir konstituisaun RDTL, neebe mak tutela ba Prezidente Republika nia kompetensia, hatete Antonio.

Antonio dehan, Timor Leste hetan indepedensia nee hodi ema barak nia ran no ruin liu husi prosesu libertasaun nasional ida nee, tanba nee mak husu nafatin ba nain ulun sira, atu nafatin iha fuan boot simu malu no buat neebe mak naksalak tau ba kotuk, no tau buat diak ba intrese nasaun ho povu ida nee.

Nia hatutan, haree ba impase neebe mak lao fo impaktu neebe mak boot ba edukasaun, saude, no seluk tan, tanba nee mak husu lider sira hamutuk atu kolabora hamutuk, no ses husi problema ida nee ladun furak, tanba nee mak presiza tuur hamutuk hakotu impase politika nee.

Prezidente Republika Francisco Guterres Lú Olo dehan, dialogu neebe mak halao husi lider rezistensia ou lider nasional sira define assuntu tolu neebe mak importante ida hatete, eleisaun antesipada hanesan rekursu ikus, segundu partidu politiku sira neebe mak iha asentu parlametar, sira hotu tenke halo movimentu politiku, oinsa mak atu bele dezena sira nia opinaun no terseiru  Premeiru Ministru sei mantein nafatin ba oitavu governu too hetan solusaun.

PR promove dialogu ho partidu politiku no lider sira, sosiedade sivil, veteranus, relijioza sira ho ema barak hodi rona sira nia pontu de vista, kona ba situasaun politika neebe  oras nee dadaun akontese iha rai laran, ho nune PR bele foti desizaun* Reportajen: Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *