Hakarak Estudu Iha Indonesia, Diak Liu Aprende Lian

Hakarak Estudu Iha Indonesia, Diak Liu Aprende Lian

- in Edukasaun
169
0
klase-paralelo

DILI – Bainhira estudante sira neebe mak foin remata sira nia estudu iha nivel sekundaria, hakarak atu ba kontinua sira nia estudu iha Indonesia, diak liu aprende uluk lian Indonesia, para labele difikulta sira iha prosesu aprendizajen.

Kestaun nee fo sai husi Juviano Xavier, hanesan xefi departamentu estudu dezenvolvimentu iha IOB katak, hanoin nee mos sai difikuldade, tanba aban bainrua kampu servisu bele, maibe  bainhira estudante sira remata sekundaria atu ba kontinua Indonesia nee sira tenke aprende lian Indonesia.

Hau hanoin ida nee mos sai difikuldade ba ita, tanba aban bain rua kampu servisu ninia bele, maibe ba hau, bainhira ita nia estudante sira neebe mak remata sekundaria atu ba kontinua iha Indonesia nee sira tenke aprende lian Indonesia, tanba iha Indonesia nee material hotu-hotu uza ba iha prosesu aprendizajen nee uza hotu lian Indonesia, tanba nee, antes ba tenke aprende uluk,” dehan Juviano ba STL hafoin partisipa iha seminariu iha kampus Liceu UNTL, Dili Sesta (21/04/2017).

Nia hatete, dala ruma estudante sira ba kontinua estudu nee inisiativa mai husi inan aman rasik, no balun hetan bolsu estudu husi governu, tanba nee, husu ba alin estudante sira nee diak liu hatene uluk lian, para labele difikulta ba iha prosesu aprendizajen, tanba agora estudante barak  mak hakarak ba kontinua sira nia estudu iha Indonesia.

Iha parte seluk, Reitor ICR, Pe. Urbanus Bunga Lolon SVD, hatete, konaba ofrese kursu lian Indonesia nee sira  koopera ho  Ministeriu Edukasaun (ME), tanba nee, ba primeiru etapa, estudante sira remata ona sira nia kursu, no sira ba tiha ona eskola, agora atu kontinua fali fo kursu nee, too agora ICR ho ME seidauk koopera malu. Jacinta Sequeira/Guilhermina Franco

Facebook Comments

Leave a Reply

Your email address will not be published. Required fields are marked *