Hakanek Subrina, Tia Tama Komarka

Hakanek Subrina, Tia Tama Komarka

- in Krime
29
0
87f31663eb075b743f551142bef5f125_w340_h250_cp

DILI- Tribunal Distrital Dili iha loron Tersa, (10/12/2019) liu husi desizaun aplika pena prizaun tinan tolu fulan neen efetivu, ba arguida Arminda Soares hanesan tia, neebe halo agresaun hasoru lezada Livania, hanesan nia subrina.

Iha desizaun nee tribunal haree katak, akuzasaun neebe iha ministeriu publiku provadu hotu katak, arguida komete duni krime maus tratos ba menor, neebe previstu iha artigu 154 husi kodigu penal Timor Leste nian.

Tanba nee tribunal mos laiha duvidas no rona rasik deklarasaun husi lezada, no haree duni kanek neebe maka arguida lori tudik sona iha lezada nia isin, too agora sei kanek permanente.

Deklarasaun husi lezada katak, arguida lori tudik sona iha nia isin lolon, no halo agresaun ba nia, tuku no tebe.

Tribunal haree katak, hahalok neebe arguida halo ba lezada grave tebes, too ikus lezada mos deside hodi la hela hamutuk ho arguida, maske antes nee arguida hanesan tia maka hakiak lezada hanesan nia subrina.

Tribunal tetu katak, krime nee nia modura kastigu husi tinan rua too tinan neen, maibe tribunal tetu fali arguida foin primera vez mai iha tribunal, arguida mos arepende ba nia hahalok, tanba nee tribunal aplika deit pena prizaun tinan tolu fulan neen efetivu.

Arguida mos hetan asistensia husi advogadu privadu, tanba nee tribunal husu atu selu taxa justisa 20 dolar.

Tribunal mos esplika ba iha arguida, desizaun nee la aseita, bele liu husi nia defeza, atu halo rekursu ba iha tribunal rekursu, tuir prazu loron sanulu resin lima nia laran.

Hafoin desizaun, parte defeza arguida nian mos informa, nia parte sei halo rekursu, tuir prazu neebe iha.

Hau sei halo rekursu, tuir prazu neebe iha, dehan defeza Miguel Acasio Farria.

Tuir faktus katak, iha loron la apuradu, arguida hanesan tian alo agresaun ba lezada hanesan nia subrina, neebe durante nee nia maka hakiak, hanesan nia oan mos.

Iha akontesementu nee, arguida halo agresaun ba iha lezada, lori tudik sona iha lezada nia isin.

Konsekuensia husi arguida nia hahalok nee, halo lezada sente kanek.

Ministeriu publiku akuza arguida ba iha krime Maos Tratos ba menor, neebe previstu iha artigu 154 husi KP.

Audensia julgamentu nee, prezide husi juiz prosesu Ivan Suritai, Ministeriu Publiku reprezenta husi Prokurador Gustavo Moreira, arguida hetan asistensia legal husi Advogadu Privadu Miguel Acasio Farria.  Terezinha De Deus

Komentariu

Facebook Comments

Leave a Reply

Your email address will not be published. Required fields are marked *