HAK Entrega Livru Ba MTR

HAK Entrega Livru Ba MTR

- in Edukasaun
3392
0
museum

DILI – Sosiedade Sivil HAK hamutuk ho ativista Japaun entrega livru ba Museum Rezistensia Timorense (MRT) kona ba vitima feto iha Guerra Mundial ba daruak nian ho titulu “Luta ba Lia Loos no Justisa”.

Iha entrega livru nee, Direitor Ezekutivu HAK Manuel Monteiru, ba jornalista sira iha salaun Museum Rezistensia Timoresne Dili Tersa (17/10/2017) katak, livru nee atu entrega ba Muzeum Rezistensia Timorense MRT atu bele tau iha nee hodi fasilita ba jerasaun foun sira liuliu estudante sira neebe presiza referenisa hodi kompleta ba materia inklui oinsa atu hatene kona ba istoria Timor Leste.

Iha livru nee rasik hakerek kona ba sofrementu Avó Feto sira neebe tuir peskiza ami hetan hamutuk ruanulu neebe partisipa iha Segunda Guerra mundial no iha Avó ida konta nia istoria kona ba oinsa sira bele infreta ba militar Japaun” tenik Manuel

Nia hatutan, livru ida nee foka liu ba iha inan feton sira neebe mak iha tempu segunda Guerra Mundial sai vitima, tanba iha funu inan feton balun sai vitima nee atu fo libertasaun ba oan sira atu labele hetan diskriminasaun iha tempu neeba.

Manuel esplika, produsaun livru nee iha tinan barak nia laran tanba, iha tinan 2004 mak HAK hamutuk ho koligasaun Japaun kontinua halo peskiza nee, too ikus mai konsege produz livru ida nee, neebe ho nia titulu Luta ba Lia Loos no Justisa. Tanba nee mak livru nee husi parte HAK no Ekipa Japaun hod mai entrega ba Muzeum Rezistensia Timorense hodi tau iha museum refere.

Nia realsa liu tan, liu hosi livru ida nee ba jerasaun sira atu hatene katak luta ba libertasaun nasional nee laos iha faze rua deit hanesan kolonializmu Portugues no okupasaun regime militar Seoharto ninia maibe iha mos Segunda Guerra Mundial neebe vitima lubuk ida.

Ho peskiza neebe mak iha konsege hetan vitima ba Segunda Guerra mundial nia, maibe infelismente nain sanulu mate ona no hela nain sanulu mak sei moris maibe sira nia idade avansadu tebes on ita bele dehan balun hanesan tiha ona ho labarik sira maibe ami kada fulan sempre ba vizita sira” salienta Manuel.

Enkuantu, livru ida nee importante tebes ba jerasaun foun sira, tan nee mak presiza tau iha museum hodi nunee foinsae sira bele mai asesu inklui mos estudante sira neebe oras nee halao hela prosesu estudu iha capital Dili. Bainhira livru nee tau ona iha museum nee laos ba timor oan deit maibe, livru nee husi estrajeiru mos bele asesu ba istoria sira nee hodi ema bele hatene kona ba istoria Timor nia.

Livru nee nesesariu tebes ba jerasaun foun sira tanba iha livru refere hakerek ho lian Tetun neebe tuir ortografia Institutu Nasional Linguistiika (INL). Nunee fasil ba foinsae sira atu kompriende kona ba istoria iha tempu pasadu liuliu iha Segunda Guerra mundial.

Iha fain hanesan Direitor Nasional Unidade Edukativu MRT Alvaro Vasconcelos, sente kontente tanba liuhosi livru ida nee bele ajuda MTR hodi bele esplika ba estudante sira neebe mak mai buka referenensia iha nee.

Iha museum nee kona ba istoria Segunda Guerra mundial nee limitadu teb-tebes ba ami hodi esplika ba estudante sira maibe, ohin husi yayasan HAK mai entrega tan livru ida neebe konsentra tebes ba Segunda Guerra Mundial nunee bele fasilita ami iha vizita estudante sira” tenik Alvaro

Nia mos fo agradese ba sosiedade sivil HAK no solidariedade husi ekipa Japaun neebe esforsu ona hodi produz livru nee hosi bele fortifika liutan MTR nia konesimentu ba istoria Timor nia hodi bele esplika ba vizitante sira neebe mak halao vizita mai iha museum nee.

Nunee mos Diretor Nasional Arkivu no Muzeulojia Mateus Pinto katak, livru neebe husi parte sosiedade sivil servisu hamutuk ho ativista Japaun neebe ohin entrega nee diak teb-tebes tanba haree katak livru neebe tama iha nee husi Timor oan barak mak hakerek kona ba istoria Timor nia hahu husi 1975 too mai 1999.

Nia hatutan, livru ida ohin nee uniku oituan tanba livru nee hakerek kona ba situasaun iha Segunda Guerra mundial neebe halai liu ba vitima femenina nia iha prosesu luta kontra Japaun ninia hahalok neebe hasoru povu Timor.

Entertantu Ativista Monju Mikio husi Japaun neebe durante nee servisu makaas hamutu ho sosiedade sivil HAK hodi halo peskiza ba vitima sira neebe hetan sofrimentu iha Segunda Guerra Mundial haktuir katak, produsaun ba livru nee kuaze tinan sanulu resin nia laran nee finaliza ho livru ida nee. Estajiadu UNTL 1 no Estajiadu UNTL 5

Facebook Comments

Leave a Reply

Your email address will not be published. Required fields are marked *