Hadok Risku Dezastre Naturais

Hadok Risku Dezastre Naturais

- in Notisias Online
53
0
download (13)

Editor: Godinho Barros

DILI– Sekretariu Estadu Protesaun Sivil, Alexandrino de Araujo, husu ba komunidade sira iha kapital Dili atu hadok- an husi risku dezastre naturais.

Tuir nia dezastre naturais dadaun akontese hanesan udan boot no anin, tan nee husu ba populasaun tomak atu hases an husi fatin risku dezastre natuarais.

Liu liu iha Dili laran fatin risku, tanba populasaun barak demais, talves ema labela hela fatin neebe deit, ema bele kontribui ba dezastre, tanba iha valeta balu   hanesan mos mota comoro, rai loron, hau husu koperasaun ba iha ministeriu estatal atu hato ba xefe suku nomos xefe aldeia sira atu fo hatene ba komunidade atu hases an husi fatin risku dezastre, dehan nia ba Jornalista sira iha edifisiu Ministeriu Finansas Aitarak Laran, Dili, Segunda, (06/01/2020).

Nia informa, dadaun identifika ona fatin risku ba dezastre naturais hanesan iha Mota Comoro no rai loron sira neebe komunidade sira halo uma,  no mos iha fatin balun  bee dalan komunidade taka hotu hodi halo  uma.

Ita husu kompriensaun inan aman sira, se bele fatin neebe risku sira neebe bele hases an husi neeba tanba bele fo risku ba iha ema nia vida, alerta Alexandrino.

Iha parte seluk Xefe Suku Caicoli, Hipolito Marques da Silva dehan, ema iha timor laran tomak kuaze hatene iha tempu udan, caicoli mak  sempre afeta ba inundasaun. Maibe iha 2019  tama ba 2020, caicoli seidauk hetan inundasaun neebe makaas, tanba udan ben nia volume seidauk makas hanesan tinan ida ou rua liu ba.

Hau iha nee hamutuk ho hau nia konsellu suku sira apela ona ba komunidade sira katak  fatin lixu prepara ona, tanba nee komunidade tau lixu iha fatin neebe prepra ona, labele lekar arbiru, dehan Hipolito.

Antes nee Bendita dos Santo, neebe afetadu ba  inundasaun iha Aldeia Lemokari, Suku Manleuana,  husu governu atu tau matan ba bee dalan iha sira nia bairu bairu,  tanba udan boot, bele ameasa komunidade nia vida. ESTI-01.

Komentariu

Facebook Comments

Leave a Reply

Your email address will not be published. Required fields are marked *