Gropu 90 Hetan Auto Empregu

Gropu 90 Hetan Auto Empregu

- in Economics
398
0
lagro

DILI – Tinan nee, iha gropu 90 maka hetan ona ekipamentu husi program auto empregu neebe SEPFOPE apoiu ekipamentu ba sira halo atividade negosiu.

Diretor Jeral Politika Formasaun Professional Empregu Paulo Alves hatete, Sekretariu Estadu para Politika Formasaun Professional Empregu (SEPFOPE) nia program auto empregu  implementa laos apoiu orsamentu, maibe apoiu ekipamentu  ba grupu sira, maibe bazeia ba sira nia proposta hatoo mai SEPFOPE balun husu makina tijolu, makina halo dosi, makina suku roupa, ekipamentus ba sira loke benkel.

Tinan nee proposta tama iha SEPFOPE barak, maibe iha gropu 90 hetan benefisiu husi program auto empregu, sira apoiu ekipamentus hodi halo negosiu iha area oin- oin, tuir sira nia proposta neebe hatoo mai iha SEPFOPE,” dehan Paulo ba STL, Tersa (14/03/2017) iha Timor Plaza hafoin partisipa serumonia lansamentu projetu kria kampu servisu ba joven.

Nia hatete, Program auto empregu nia objetivu ajuda povu kbit laek oinsa hetan servisu liu husi atividade negosiu iha area oin –oin.

Gropu 90 husi Munisipiu 13 iha Timor laran tomak, ezamplu iha Oecusse, sira husu makina  produs batako, iha centru Tibar apoiu makina tijolu, neebe kada gropu ida, fo servisu ba ema nain nen,  kuaze  program nee fo servisu ba ema 6000.

Nia hatete, Tinan kotuk iha 162 hetan benefisiu husi program auto empregu, oinsa kria kampu servisu hadia povu kiik sira nia ekonomia familiar.

Program empregu rural no auto empregu, kada tinan PN aprova orsamentu no governu aloka osan liu husi fundu transferensia publika, implementa program rua hodi apoiu gropu kiik sira halo implementa atividade nee.

Nia hatete, Programa empregu rural halai Dolar 3 loke Estrada iha area rurais, oinsa apoiu povu agrikultura sira lori produtu lokal asesu ba merkadu.

Tinan nee programa empregu rural Osamentu aloka program miliaun 5 hodi apoiu Centru Formasaun Tibar no SENAI Bekora, inklui loke Estrada Rural, no auto empregu.

Iha fatin hanesan Sekretariu Estadu Para Politika Formasaun professional empregu (SEPFOPE) Ilidio Ximenes da Costa hatete, Program Auto empregu laos apoiu orsamentu ba gropu sira maibe sosa ekipamentu apoiu ba gropu sira neebe hatoo proposta iha SEPFOPE hakarak halo negosiu.

SEPFOPE kapasita joven sira, apoiu makina tijolu, hodi sira produs tijolu fo servisu ba ema seluk, signifika program auto empregu fo benefisiu ba ema barak,’’dehan Nia.

Nia hatete, Program empregu rural implementa loke Estrada iha area rurais, bazeia proposta husi Autoridade Lokal sira hatoo proposta, depois  tekniku husi SEPFOPE tun verifika fatin los, aprova sira proposta implementa projetu nee,  sira rasik jere loke Estrada, atu nunee sira hetan osan oituan hadia sira nia moris.

Nunee mos Reprezentante povu iha Uma Fukun Parlamentu Nasional Deputadu Manuel Salsinha Membru komisaun E hatete, Komisaun E halo fiskalizasaun hare SEPFOPE nia programa empregu rural implementa loke Estrada Rural ho valor Dolar 3 diak, iha progresu, iha fatin balun sira hadia kualidade diak, povu komesa asesu Estrada. Maibe Estrada la tau aspal neebe kuandu udan boot, bee tun, bele estraga Estrada aat fali, presiza kontrola halo manutensaun. Josefa dos Santos

 

Facebook Comments

Leave a Reply

Your email address will not be published. Required fields are marked *