Governu Tenke Kontrola Presu Material Konstrusaun

Governu Tenke Kontrola Presu Material Konstrusaun

- in Economics
964
0
img_4221

DILI – Governu Timor Leste husi Ministeriu Comersiu Industria no Ambiente (MCIA) liu husi Diretur Nasional Komersiu e Regulamentu iha MCIA tenke halo kontrola didiak ba presu material konstrusaun iha baze atu labele prejudika ba konsumidores. Tanba iha kompania balun hahu halo manipulasaun ba presu sasan hodi hetan lukru boot.

Kestaun nee fo sai husi emprejariu Timor oan, Azito Esperansa ba jornalista Sesta (08/09/2017) iha edifisiu MCIA Bebora Dili, bain hira trata hela lisesnsa negosiu iha MCIA.

Ita haree projetu barak maka lao iha rai laran, tanba nee loja nain sira uza oportunidade hodi hasae presu, tanba material konstrusaun hanesan Sumente no besi iha loja balun folin normal, maibe loja balun folin aas tebes tan nee, governu tenke halo intervensaun iha baze hodi normaliza folin,”informa Setor privadu nee.

Nia mos informa liu tan katak, sumente folin faan iha loja balun saka ida folin U$ 5 dolar maibe, iha loja balun faan ho folin U$ 4.0,25, besi mos nia folin diferente, problema sira hanesan nee atu hamosu korupsaun tan nee, governu tenke kontrola didiak iha baze.

Iha parte seluk reprezentante povu iha uma fukun Parlamentu Nasional, Deputadu Domingos de Carvalho hatutan, manipulasaun presu material konstrusaun nee laos iha Dili laran deit maibe, iha foho bele akontese. Tan nee Ministeriu relevante neebe kontrola presu iha merkadu tenke kontrola didiak.

Ita haree loja sira neebe faan material konstrusun iha rai laran nee kuaze domina ho Xineza sira, no ema sira nee mai buka osan, sira bele manipula presu tanba selu pazak, selu mos uma sira neebe sira aluga hodi loke loja, tanba nee haree didiak semak halo manipulasaun tenke selu multa,”informa Deputadu Domingos.

Nia mos husu ba parte MCIA, karik identifika atetude sira hanesan nee tenke fo duni sansaun, atu nunee povu kiik sira mos labele sai vitima, sei la fo sansaun maka nee, sei hatoman  loja nain sira atu halimar folin sasan.

Hatan ba preokupasaun nee, Diretur Nasional Komersiu e Regulamentu iha MCIA, Domingos Guterres hateten, governu halao hela nia knar hodi normaliza presu material konstrusaun iha baze, atu nunee labele fo impaktu ba ema sira neebe sosa.

Ita haree presu material iha loja folin normal, halo komparasaun ho tinan kotuk, sumente nia folin sae too U$ 8 dolar maibe agora dadauk folin tun too U$ 4 dolar no balun presu la hanesan tanba sosa tutan maka lori ba hatama iha sira nia loja tan nee nia folin bele sae liu U$ 50 centavos, maibe nee presu normal,”informa Diretur Negosiu.

Nia mos hatuir tan katak, governu mos halo ona koonrdenasaun ho Nasaun importador sira neebe, hatama sasan material konstrusaun tama mai TL, hodi hatene diak liu tan presu lolos nee hira atu nunee sasan sira neebe faan iha rai laran nee nia folin labele karun liu. Madalena Horta

Facebook Comments

Leave a Reply

Your email address will not be published. Required fields are marked *