Governu Selu Ona Projetu Emerjensia Balun

Governu Selu Ona Projetu Emerjensia Balun

- in Metro
214
0
Estrada

DILI-Projetu emerjensia neebe lao iha tinan 2013-2014 nia laran, iha balun neebe mak governu seidauk halo pagamanetu, no iha tinan ida nee maka governu foin halo pagamentu tusan sira nee.

Kestaun nee fo sai husi Prezidente CCI-TL, Oscar Lima ba STL Segunda (11/09/2017) iha Hotel Plaza Bairo Formoza Dili.

Hau hanoin projetu emerjensia sira neebe lao iha tinan 2013- 2014 nia laran nee, balun governu halo ona pagamentu tuir prosesu neebe iha, no sira neebe seidauk hetan pagamentu nee sei iha hela prosesu nia laran, tanba nee husu ba setor privadu sira atu hein deit,”informa Prezidente CCI-TL, Oscar Lima.

Nia mos haktuir tan katak, projetu emerjensia foun balun mos too agora governu seidauk selu, maske haree ba mandatu governu ida nee atu remata ona, no fiar katak governu ida nee la selu maka governu foun mai sei selu, importante maka lao tuir dezenu no BoQ.

Iha parte seluk Mateus de Araujo hanesan membru CCI-TL hateten, projetu emerjensia sira nee iha balun maka governu halo ona pagamentu, maibe iha balun seidauk tanba foin tama iha verifikasaun de dadus mandatu governu nian hotu ona, tanba nee la konsege selu tan nee kria nafatin tusan ba governu foun mai.

Hau hanoin hanoin governu foun mai tenke halo Sistema ida neebe diak, karik BoQ ho dezenu laiha maka projetu nee labele implementa atu nunee, labele aumenta tusan ba governu, no setor privadu sira labele hamrik tanba governu kontinua deve setor privadu liu husi halo obra la halo pagamentu, tan nee tenke hadia sistema,”informa nia.

Nune mos Deputadu Domingos de Carvalho hateten, membru komisaun E kuandu verifikasaun iha baze ba projetu emerjensia sira neebe lao iha tinan 2013- 014 nia laran konsege identifika projetu barak neebe governu presiza halo pagamentu. Tanba kompania sira hasai tiha ona osan barak hodi realiza obra oi-oin, maibe sira neebe seidauk hetan pagamentu nee bele hein ba governu foun mai. Madalena Horta

Facebook Comments

Leave a Reply

Your email address will not be published. Required fields are marked *