Governu Sei Konstrui, Edifisiu Postu Administrativu Rua

Governu Sei Konstrui, Edifisiu Postu Administrativu Rua

- in Distritu
61
0
Foho Matebian

MALIANA-Governu iha ona planu atu konstrui edifisiu ba Postu Administrativu Bobonaro no Postu Administrativu Maliana. Nee sai planu prioridade ba iha Programa Investementu Intregradu Municipiu (PIIM) Autoridade Municipal Bobonaro.

Iha Sorumutu Koordenasaun Distrital (SKD) foin lalais nee, membrus asembleia hamutuk reprezentante linha seitorais, aseita ba proposta rua husi Administrador Postu Bobonaro no Administrador Postu Maliana, atu halo konstruksaun ba edificio administrasaun postu. Forum enkontru nee deside, konstruksaun edifisiu ba postu rua nee, tau hamutuk sai pakote ida.

Administrador Postu Administrativo Bobonaro, Rui B. M. Barros hateten, edifisiu Postu Administrativu Bobonaro persiza duni konstrui tamba kondisaun uma edifisiu mak uza durante nee, ninia kondisaun la subsiente ona atu atende administrasaun ba komunidade suku 18 iha area postu administrativu Bobonaro.

Administrasaun postu esensial tamba desenvolmento iha linha seitores hotu ninia finalidade husi postu ba to’o sucu. Aleinde ne’e, seitores barak mak emvolve hamutuk halao ninia funsaun administrasi iha idificio administrasaun postu.

Iha sorumutu koordenasaun distrais, Rui husu forun estuda hodi tau mos perioridade autoridade municipal Bobonaro nian, hodi submete ba nivel nasional. Proposta hirak mak maihusi postu hodi submete ba autoridade municipal nasional, sai perioridade dahuluk iha postu administrativo Bobonaro

Tuir Rui, proposta hirak husi autoridade Municipal Bobonaro, ejijencia komunidade iha baze. Tamba ne’e, ulun bo’ot iha nivel nasional, persiza konsidera, tau mos perioridade. “Funsionario sira mak halao funsaun administrasi nian iha postu laos estatal mesak, mais seitores barak mak emvolve hamutuk iha administrasaun postu,” Rui hatete.

Entertanto, Administrador Postu Administrativo Maliana, Alipio Moniz hateten, edificio Administrasaun Postu Administrativu Maliana, ninia kondisaun la subsiente ona ba funsionario sira, atu halao funsaun administrativo hodi atende komunidade nesesidade loro-loron.

Idificio administrasaun postu Maliana, idificio tempo Indonesia, kondisaun la subsiente ona. Funsionario iha administrasaun postu barak, mais kuarto la to’o,” Alipio hatete.

Xefi Departemento Planeamento e Desenvolmento, Autoridade Municipal Bobonaro, Semedu Lacu da Costa hatete, proposta mai husi linha seitorais, suku, tenke bazeia ba menu indikativu. Wainhira hamosu proposta ida, tenke kondis ho menu indikativu. Tamba menu indikativu nee mak sai hanesan gia ida ba to’o implementasaun.

Kuando proposta ne’e submete mai iha sucu, postu, autoridade municipal, kontinua haruka ba nasional la bazeia menu indikativo, mak proposta ne’e sei la pasa,” Semedo hatete.

I PIIM la sai targetu kuantidade proposta, maibe persiza hare liu kualidade proposta. Tamba, antes hamosu plano iha nivel municipio ida-idak, governo nasional, liu husi ninia reprezentante halao ona sorumu ida iha nivel nasional hodi koalia konaba saida mak sai perioridade liu ba komunidade. João Mau Leto

Facebook Comments

Leave a Reply

Your email address will not be published. Required fields are marked *