Governu Prontu Hili Ema Lidera ZEESM

Governu Prontu Hili Ema Lidera ZEESM

- in Nasional
220
0
Profil Akara

DILI-Governu prontu atu hili Timor oan balun neebe iha kapasidade hodi ba lidera Raeoa no Zeesm, tan nee saida maka kompetensia governu nian maka, Primeiru Ministru prontu toma nia responsablidade tanba Mandu Prezidente Raeoa no Zeesm nian besik remata ona.

Hau hanoin governu nia responsablidade maka sei la abandona Raeoa no Zeesm, tanba sei iha Timor oan barak neebe iha kapasidade atu lidera Zeesm, tan nee kompetensia governu nian atu hare no deside ema atu lidera Zeesm,”kesatun nee fo sai husi Reprezentante governu, atual Sekretariu Estadu Komunikasaun Sosial, Mericiu Akara ba STL Kinta (28/03/2019) iha Parlamentu Nasional.

Nia mos afirma liu tan katak, katak povu Oecusse iha Diretu atu deklara no ezize saida maka sira nia hakarak, nee direto tomak sira nian, tanba nee knaar importante governu nian maka atu deside no hili ema hodi ba lidera Zeesm tuir tempu neebe maka sei determina.

Iha fatin hanesan Prezidente Bankada CNRT, Duarte Nunes hatutan, governu iha kompetensia tomak, tanba tuir lei governu maka propoin no Prezidente da Republik fo pose,  tan nee kompetensia tomak ba governu atu estende mandu Prezidente Zeesm nian ka ou troka ema seluk, maka PN fo fiar tomak ba governu tanba sira maka halo avalisaun.

Hau hanoin Nasaun ida nee tenke lao ba oin, tanba nee fo fiar ba ema seluk atu halo servisu, maske durante mandate tinan hat nia laran hatudu progresu diak, maibe tuir relatoriu kamara de kontas nian dehan, iha osan balun neebe seidauk justifika, tanba nee ita husik prosesu nee lao tok bam aka hare ninia rezultadu,”dehan Prezidente Bankada CNRT.

Nunee mos Deputadu Selvino Morais hatutan, los duni mandate Prezidente Raeoa no Zeesm nian besik remata ona, tanba nee atu estende nia mandate ka lae maka nee, kompetensia governu nian,  liu liu Primeiru Ministru atu propoin ba Prezidente da Republika atu estende ka lae.

Hau hanoin ami Fretilin labele hateten dehan estende ka lae, tanba nee ami intrega tomak ba governu, karik estende maka hare ba nia aktus neebe durante nee nia halo ona iha Raeoa no Zeesm, maibe karik governu dehan iha posiblidade atu buka ema seluk subtitui hodi hodi halo diak liu tan kondisaun iha Raeoa no Zeesm maka, nee kompetensia governu nian tomak,”dehan Mmebru Fretilin nee.

Nia mos afirma liu tan katak, maluk balun husi governu nian neebe hela  iha Oecusse, husu atu Prezidente Raeoa no Zeesm retira ona husi nia knaar, tanba nia halo frasoens  barak iha Oecusse bazeia ba Tribunal de kontas nian maka, nee konforme desizaun governu nian, tanba governu  maka propoin Prezidente Raeoa no Zeesm, Mari Alkatiri, no governu iha konpetensia atu despoin oinsa bele hasai, tan nee Fretelin labele dehan nia atu kontinua ou lae. Notisia kompletu lee iha jornal STL edisaun Sesta (29/03/2019).Madalena Horta/Guilhermina Franco

 

Komentariu

Facebook Comments

Leave a Reply

Your email address will not be published. Required fields are marked *