Governu Presiza Fasilita Jornalista

Governu Presiza Fasilita Jornalista

- in Nasional, Politics
186
0
image002

Editor: Crisogono  Magalhães

DILI– Povu presiza informasaun kona ba virus Corona (COVID-19), tanba nee governu tenke fasilita jornalista sira, bainhira halao servisu iha situasaun bainhira aplika Estadu Emerjensia.

Deputadu Bankada KHUNTO, Luis Roberto  hatete, jornalista sira mos hola parte iha lina frente, tanba nee governu presiza tau atensaun liu husi proteje sira nia aan durante periode estadu emerjensia.

Kuandu buat nee akontese hau haree jornalista sira mak sei mate uluk, tanba nee hau husu governu fasilita ekipamentu protesaun ba sira, tanba povu presiza informasaun kona-ba COVID-19, dehan Luis bainhira debate pedidu Estadu Emerjensia iha PN, Kinta (26/03/2020).

Iha fatin hanesan Deputada Bankada PD, Elvina Sousa Carvalho katak,   governu tenke haree mos ekipamentu no priteje media sira no professional saude  no mos seguransa sira atu hodi protesje sira vida.

Hau ejize ba governu atu haree ekipamentu protesaun ba mediku, profisional saude, seguransa no defeza hodi proteje sira nia an molok halo tratamentu ba pasiente sira neebe  deskonfiadu COVID-19, dehan nia

Nia dehan,  ida nee hanesan   funu ida, rofisional saude no seguransa sira iha lina primeiru maibe sira presiza ekipamentu protesaun hanesan kilat musan   bee fasilita  sira atu halo sira nia servisu.

Hau husu ba governu introduz insentiva ba mediku no profisional saude, seguransa no defeza,  no mos sentru lojistika nasional, jornalista sira, protesaun sivil bainhira iha situasaun sai seriu ona, bainhira situasaun nee akontese duni pesoal hirak nee mak  hola parte iha oin, dehan nia.

Entretantu Ministru Reforma Lejizlativa no Asuntus Parlamentares Fidelis Manuel Leite Magalhães katak,  hatoo komunidade liu liu ba inan no  no maun alian sira no jeven sira atu kuidadu aan iha uma bainhira estadu emerjensia.

Ita nia oan sira jornalista sira buka informasaun, maski iha risku  sira halo servisu lubuk boot ida para lori informasaun mai, nunee imi bele hakmatek iha uma hases aan husi moras nee  ita nia oan polisia sira halo servisu fo  seguransa sira neebe halo servisu  logistiku mos hanesan sira nee riska atu hetan moras ba sira nia aan,  neebe imi hela iha uma hakmatek para ita hotu maioria ita nia polulasaun lakona moras perigozu ida nee, dehan Fidelis .

Fidelis apela katak, tanba tuir analiza Estudu neebe espesialista sira halo katak, esperensia hanesan nasaaun  Italia nia iha pontu rua neebe mak kontribui ba ema mate aas, ida mak sira nia populasaun idade avansada nia pursentanjen nee boot.

Nia dehan, tuir fali mai nia sidadaun neebe lakohi tuir regras  neebe governu  impoint tiha Estadu Emerjensia, mos sira sei lao buka malu  ba fatin fatin koalia lahalo distansiamentu sosial entre sira.

Ita hola medida ida nee husu ba boot inan aman maun alin sira labele sai no iha uma deit, mais se iha familia nee mak ida sai nonok tiha depois ba pasiar, kontaktu ho ema barak durante periodu emerjensia nee lori fali moras mai iha uma laran, Nia hatete.

Nunee nia husu ba komunidade katak,  komunidade barak mak iha nia sitema imunidade nee ladun forte tanba ida nee husu ba maluk sira kolega joven sira foinsae sira, atu iha responsabilidade ba ida  nee.

Ita nia aan nee forte maibe keta haluha katak, bele lori moras nee ba ema seluk neebe sira hadomi mak sai fali vitima ba moras ida nee,  tanba ida nee kuidadu didiak no husu ba inan aman sira  mantein hakmatek iha uma, Governante nee hatete.

Reportajen:Luciana Ximenes

Komentariu

Facebook Comments

Leave a Reply

Your email address will not be published. Required fields are marked *