Governu Presiza Atensaun Lagoa Tasi-Tolu

Governu Presiza Atensaun Lagoa Tasi-Tolu

- in Metro
299
0
Ilha Atauro

DILI – Fatin turistika hanesan Lagoa Tasi-Tolu presija iha atensaun seriu husi governu liu husi Ministeriu Turismu atu bele dada turista estranjeirus mai iha rai laran hodi hatama reseitas ba kofre estadu Timor Leste.

Tuir Xefi Suku Comoro Eurico da Costa de Jesus, hanesan autoridade lokal laiha forsa atu fo orientasaun didiak ba populasaun tomak neebe halo desorden konstrusaun ilegal iha Lagoa Tasi-Tolu inklui hakiak animal no soe lixu arbiru.

Hau hanoin governu presija tau atensaun seriu ba Lagoa Tasi-Tolu tanba fatin refere bele hatama reseitas ba estadu wain hira turista sira vizita ita nia rai,” informa Xefi Suku Comoro Eurico da Costa de Jesus ba STL, Segunda (11/09/2017) Iha ninia edifisiu Sede Suku Comoro.

Nia hatutan lolos governu liu husi Ministeriu Obras Publikus, Ministeriu Soliedariedade Sosial, Ministeriu Saude no Ministeriu da Justisa liu husi diresaun terras propriedades tenke hamutuk forma ekipa atu kontrola ba kestaun nee.

Autoridade lokal Comoro nee katak karik husik hela deit ba Autoridade lokal sei laiha poder entaun tenke halo pedidu de prestasaun kurisial bazeia ba dekretu lei numeru 33/2008 orden publiku. Tanba governu tau osan para halo moru hadulas fatin neeba/ tanba nee governu tenke lalais.

Iha fatin hanesan Manuel Sarmento da Costa hela iha Masilidun katak Lagoa Tasi-Tolu fatin Turistiku potensial ba Turismu, entaun presiza governu tau atensaun makaas tanba populasaun kontinua okupa Tasi ninin.

Governu liu husi Terras e Propriadades iha Planu ida atu utiliza Lagoa Tasi-Tolu no aviza ba populasaun sira, atu labele halo uma permanente maibe halo uma temporariu deit,”dehan Manuel.

Nia hatutan, Governu liu husi Ministeriu Turismu presiza iha komitmentu atu transforma Lagoa Tasi-Tolu sai fali sentru turismu neebe mak diak no kualidade atu bele atrai turista mai iha rai laran.

Hatan ba preokupasaun Secretariu Municipal Para Expediente Geral, Jeca Filipe Smith dehan uluk Terras Propriedade halo diologu ho komunidade Tasi-tolu liliu Joao Paulo II inklui lagoa Tasi-Tolu atu impede ema labele kontinua halo uma iha area turistika refere.

Agora dadaun ekipa tekniku halo levantamentu no sukat area tomak maibe komunidade kontinua halo uma maibe la bele hanoin katak governu la tau atensaun,” dehan Jeca.

Nia hatutan karik aban bain rua governu presija fatin sira nee, halo investementu hanesan harii infrastrutura ruma iha neeba komunidade tenke koopera tanba antes koalia bebeik ona.

Facebook Comments

Leave a Reply

Your email address will not be published. Required fields are marked *