Governu Latau Importansia ba Dezemvolvimentu

Governu Latau Importansia ba Dezemvolvimentu

- in Notisias Online
1060
0
lagro

DILI – Durante nee Parlamentu Nasional (PN) aprova orsamentu ba governu barak, maibee governu rasik la fo importansia lolos atu bele hadia dezemvolvimentu iha rai laran nee ho diak.

Lia hirak nee hatoo husi Diretor ONG HIR Ozorio Bianco bainhira dada lia ho STL, iha Perumnas Dili, Dominggu (27/12/2015). Ozorio hatete kada tinan Parlamentu Nasional aprova orsamentu ba governu atu bele hadia dezemvolvimentu iha rai laran, maibee buat hotu governu hakarak halo dala ida, depois nia rejultadu laiha.

Osan barak governu la fo objeitu ba dezemvolvimentu nee lolos, entaun nia rejulta mak agora dadaun nee, ita hakarak halo Estrada, uma, hadia saude, Edukasaun buat hotu dala ida deit nofin nia rejultadu mak nee, ita lahatene los, dezemvolvimentu saida mak governu atu halao ba rai ida nee, atu nunee povu bele hetan ninia benefisu,” dehan Ozorio.

Nia haktuir tan katak, propridade ba dezemvolvimentu nee saida, ema nia kabun ka ema nia kakutak, ou ema nia saude ka ida nebe los ou infraestrutura importante liu, nee duni tenki fo prioridade uluk saida mak nasaun nee presiza hanesan nasaun ida nebe foin sai husi konflitu naruk la halimar rezistensia durante tinan 24.

Iha parte seluk Reprezentante povu iha Uma Fukun Parlamentu Nasional husi bankada CNRT, Manuel Salsinha hatete dezemvolvimentu iha seitor hotu tenki lao hodi alkansa objeitu ukun rasik aan, atu hasai povu husi nakukun ba naroman, nebe labele hare ba seitor ida deit, tenki hare hare seitor hotu.

Alende nee deputadu husi bankada PD, Paulino Monteiro hatete dezemvolvimentu iha rai ida nee atu lao ba oin ho diak, presiza ema hotu nia kolaborasaun servisu hamutuk ho governu, atu nunee bele atinzi buat nebe mak ema hotu hakarak. Informasaun kompletu iha STL Jornal no STL Web, edisaun Tersa (29/12/2015). Carme Ximenes

Komentariu

Facebook Comments

Leave a Reply

Your email address will not be published. Required fields are marked *