Governu La Kria Kondisaun, Susar Hamamuk Negosiante

Governu La Kria Kondisaun, Susar Hamamuk Negosiante

- in Metro
159
0
tiga-roda

DILI – Negosiante barak maka sei utiliza dalan protukolu hodi halo negosiu, hanesan negosiante roda tolu iha Tasi Tolu, too oras nee Governu seidauk define lolos fatin ba sira atu halo negosiu, tan nee susar atu hamamuk negosiante dalan ibun.

Preokuparasaun nee hatoo husi prezidente komisaun D neebe trata asuntu ekonomia Dezenvolvimentu, Jacinta Abucau Pereira ba STL, Kuarta (02/08/2017) iha nia knaar fatin PN.

Ita nia governu sei fraku tanba nee susar atu hamamuk negosiante dalan ibun   tanba governu rasik  laiha planu diak atu kria fatin  hodi tau negosiante dalan ibun,  tanba nee negosiante sira okupa dalan protukolu hanesan Tasi Tolu nomos fatin seluk hodi halo atividade negosiu,” dehan nia.

Nia mos informa liu tan katak, governu foun mai tenke halo planu neebe integradu atu nunee, bele koloka didiak povu kiik sira neebe maka hola parte iha atividade negosiu, tanba sira mos iha ona interese atu buka osan rasik, hodi redus dependensia ba governu.

Iha parte seluk Koordenador negosiante Tasi Tolu Joao da C. Ximenes hatutan, hanesan negosiante prontu atu ses husi fatin nee, importante maka governu tenke kria kondisaun neebe diak no seguru ba negosiante sira atu halo atividade.

Hatan ba preokupasaun nee Diretur Nasional Komersiu Domingos Guterres hateten, governu seiduk iha planu atu muda sai negosiante sira nee, tanba too agora governu rasik seidauk identifika fatin atu koloka negosiante sira nee, maibe governu lliu husi MCIA servisu hamotuk ho parte saniamentu nafatin halo kontrola. Madalena Horta

Facebook Comments

Leave a Reply

Your email address will not be published. Required fields are marked *