Governu La Diskrimina Kompania Internasional-Lokal

Governu La Diskrimina Kompania Internasional-Lokal

- in Economics
1104
0
Na passada terça-feira foi inaugurada a Central Elétrica de Betano, a cerca de 90 quilómetros a sul de Díli, Timor-Leste, 21 de agosto de 2013. ANTONIO AMARAL / LUSANa passada terça-feira foi inaugurada a Central Elétrica de Betano, a cerca de 90 quilómetros a sul de Díli, Timor-Leste, 21 de agosto de 2013. ANTONIO AMARAL / LUSA

DILI– Lisensa negosiu neebe governu fo ba kompania Internasional no local atu halo atividade negosiu iha rai laran hanesan deit no la iha diskrimisaun tanba hetan legalidade, tratamentu no kontrolu husi Ministeriu Comersiu Industria e Ambiente (MCIA).

Tuir Diretur Nasional Komersiu, Domingos Guterres hateten, lisensa negosiu neebe maka Ministeriu Komersiu Industria fo ba kompania sira, hodi autoriza halo atividade negosiu iha rai laran nee, hanesan parte ida neebe fasil atu kontrolu diak liu tan atividade sira nee iha baze, karik kompania balun viola lisensa maka nia sei hetan sansaun.

Lisensa neebe ita fo ba kompania sira nee laos tau importansia liu ba ema estranjeiru maibe, importansia mos ba Timor oan sira neebe hakarak hola parte iha atividade refere, tanba nee MCIA seidauk halo diskriminasaun ba kompania lokal no kompania internasional atu, hetan lisensa do negosiu,”informa Domingos ba STL, Kinta (07/09/2017) iha nia knaar fatin Fomento Dili.

Nia mos informa tan katak, tratamentu lisensa do negosiu neebe MCIA fo durante nee kuaze hanesan deitno lisensa nee mos hanesan parte ida neebe fasil atu kontrola diak liu atividade neebe kompania sira halo iha rai laran.Karik kompana ida mai trata lisensa ho tipu atu halo negosiu, maka governu tenke haree kompania nee halo duni negosiu ka lae, karik halo fali atividade seluk maka diresaun regulamentu fasil atu fo sansaun tuir lei neebe estabelese.

Iha parte seluk Jose Barreto hanesan setor privadu hateten, nia parte lamenta tebes ho tratamentu neebe parte lisensamentu fo, dala ruma ema estranjeiru sira nee mai hetan lisensa ba negosiu nee lalais liu, maibe Timor oan maka trata tenke, han tempu neebe naruk tebes.

Hau hanoin atu hadia ita nia ekonomia iha rai laran, hodi labele domina ema estranjeiru maka, governu tenke trata mos Timor oan ho dignu labele fo importansia liu ba ema estranjeiru tanba, ema estranjeiru nee mai mai buka moris atu lori sai hotu ita nia osan ba sira nia rai, tanba nee presiza halo mudansa,”dehan setor privadu nee.

Nia mos informa liu tan katak, ema balun mai trata lisensa negosiu nee iha tempu ida neebe hanesan maibe, ikus mai ema nee nia foti uluk maibe Timor oan nia tenke liu husi prosesu neebe naruk, tan nee governu foun mai tenke hadia sistema iha Ministeriu nia laran.

Tuir observasaun katak, ema neebe ba halo tratamentu lisensa do negosiu iha MCIA nee, kada loron nakonu hela deit, Timor oan nomos sidadaun Xinezas balun. Madalena Horta

Facebook Comments

Leave a Reply

Your email address will not be published. Required fields are marked *