Governu La Diskrimina Feto

Governu La Diskrimina Feto

- in Metro
485
0
PN

DILI- Goverrnu lahalo diskriminasaun ba feto, tanba oras nee dadaun feto mos partisipa iha sektor hotu.

Dala ruma ema dehan governu agora nee halo diskriminasaun ba feto maibe, tuir hau nian observasaun neebe maka iha katak governu lahalo diskriminasauin ba feto. Tanba ita haree realidade neebe maka iha, feto partisipa iha vida politika. Maka hanesan iha parlamentu nasional no governu feto mos partisipa hotu, maske menus maibe hola parte hotu iha fatin hirak nee,” katak Estudante Maria Freitas ba STL iha kampus UNTL, Segunda (16/10/2017).

Nia hatutan, wainhira dehan diskrimina feto entaun feto labele partisipa iha parte sira nee, maibe feto nian partisipasaun iha governu mos iha.

Ita koalia konaba diskriminasaun entaun governu lahalo kria lei ruma konaba feto nian direitu. Ita haree iha parte sira nee laiha feto ida maka partisipa iha neeba, entaun ita bele dehan governu halo diskriminasaun ba feto maibe, ita haree iha setor hotu feto iha hotu,”.

Nia akrezenta, feto uluk maka mane sira halo diskriminasaun, tanba iha uma deit.  Atividade no poder iha hotu mane nian liman, maibe agora iha diferente, tanba agora feto partisipa iha atividade hotu.

Iha sorin seluk Deputada Olinda Guterres hateten, antes atu forma governu iha ona kriteria balun koalia konaba igualidade generu no fo protesaun ba feto maibe, reaidade neebe maka iha lafoo importansia ba ba feto, depois rutina maka governu buka feto atu enkaisa fali.

Hau hakarak koalia buat rua deit, premeiru antes atu hahu ita hasai kriteira balun koalia konaba igualidade generu no fo protesaun ba feto sira maibe, realidade hatudu katak ita boot sira la fo importansia ba feto sira,”.

Iha fatin hanesan Deputada Elvina Sousa Carvalho hateten, governu laos halo diskriminasaun ba feto maibe, oras nee dadaun feto mos partisipa ona iha governu, parlamentu nasional no hein tan feto sei enkaisa iha fatin seluk tan.

Governu agora lahalo diskriminasaun ba feto, oras nee dadaun feto mos partisipa iha governu nomos iha parlamentu nasional. Tanba governu rasik fo oportunidade ba faze segundu, atu nunee feto bele partisipa iha sektor seluk tan,”.

Liu husi observasaun neebe maka jornalista hetan, iha planu programa setimu governu iha numeru 9 neebe maka aprezenta husi premeiru ministru fo mos importansia konaba igualidade jeneru, nomos oinsa maka halakon diskriminasaun ba feto. Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *