Governu La Determina Folin Kafe

Governu La Determina Folin Kafe

- in Economics
1944
0
Kafe

DILI-Governu liu husi Ministeriu Agrikultura e Peskas (MAP) too agora seidauk determina loloos folin kafe iha merkadu, maibe komprador sira iha obrigasaun atu faan kafe tuir presu merkadu Internasional.

Dala barak ita koalia kona ba presu, koalia kona ba buat neebe mak tuir ita nia hakarak, tuir agrikultura nia hakarak ne difisil tebes ita atu lao,”dehan Diretur Nasional Agro Komersiu Igidio Amaral ba jornalista iha Comoro, Dili, Sesta (12/05/2017).

Nia dehan se kompara ho rai seluk, ema iha ona kondisaun ida neebe mak infra-estrutura tomak diak, entermus estrada diak no ligasaun transporte entre suku ba distritu no mos mai iha komprador sira diak tebes.

Entaun ida nee parte kustu transportaun la aas tebes hanesan iha Timor, ho buat sira hotu hanesan buat ida faktores determinante ida neebe mak iha influensa ba iha komunity agrikultura sira saida deit mak faan iha Timor inklui kafe

Tuir nia katak, alende ida nee seidauk iha esforsu ida masimu I kondisaun mos la adminite ba agrikultura entaun prepara kualidade produtu neebe mak oferese ba iha komprador sira seidauk tuir estandar neebemak komprador sira sosa. Komprador sira laos tur-tur sosa deit se nia, se sira tur-tur sosa deit bainhira kuandu exsporta sira hasoru difikuldade ema rezeita.

Ita koalia kona ba kualdiade, I depois faktor neebe mak determina ita haree katak ita nia produsaun kafe nee komu hectares ita la konsege produs tuir produsaun produtividade kompara ho nasaun seluk, ita produs deit menus husi trezentur kolos,” dehan nia.

Iha parte seluk Deputada, Josefa Alvares Soares hatete atu determina folin kafe lolos, governu presiza enkoraza povu agrikultura sira atu hasea produsaun kafe.

Aliende nee, nia sujere atu nafatin sosializa ba produtor sira konaba oinsa mak bele kuda kafe ho kualidade diak.

“Ita mos presiza hare mos ba konsumidores nia interese sosa kafe no ita nia kafe nee ho kualidade oinsa, atu nunee ita bele determina folin tuir bareira sira nee,” dehan Josefa. Lucia Ximenes

 

Facebook Comments

Leave a Reply

Your email address will not be published. Required fields are marked *