Governu-Igreja Hamutuk Hametin Edukasaun Moral

Governu-Igreja Hamutuk Hametin Edukasaun Moral

- in Edukasaun
280
0
Sosial Media

DILI – Governu ho Igreja servisu hamutuk hodi hametin edukasaun moral ba komunidade sira, nunee bele minimiza attitude sidadaun neebe gosta uza ID fali iha internet hodi insulta ema seluk.

Preokupasaun nee fo sai husi Ir. Joaninha M. Soares, SJB, katak, lia los maromak atu hatudu kreabilidade ou hatudu lolos nasaun nia fiar, oinsa inan aman hanorin oan sira nasaun nian, liu-liu konaba edukasaun.

Nasaun ho uma kreda servisu hamutuk atu bele hametin edukasaun moral neebe mak bele haketak oan sira husi parte teknolojia, maibe laos atu uza facebook sira nee lae.

Laos atu labele uza facebook sira nee lae, maibe oinsa mak ninia redi nee  atu bele koa sae redi nee, hanesan ho nasaun seluk ezemplu iha Amerika  koa tiha redi, maibe laos labele asesu ba iha facebook lae, tanba facebook nee mos ajuda ita, para ita bele koinese lisaun nasaun nian neebe mak ita  Timor oan seidauk hetan no atu bele hatene mos konaba ema seluk nian siensia,” hatete Ir. Joaninha ba STL iha Vila-Verde Dili, Segunda (13/03/2017).

Ir. Joaninha hatete, bainhira uza sasan eletronika, tenke uza ho responsabilidade, no uza ho hatene aan, labele uza fali ID falsu, depois koalia ou hatun ema seluk. Tanba nee, husu ba ema ida-idak nia konsiensia, hodi labele hamosu kestaun sira hanesan nee.

Iha parte seluk, Reitor ISC Sebastiao Pereira hatete, konaba asuntu nee falta moral, oinsa mak idak-idak bele kontrola nia aan rasik, tanba haree katak, dala ruma ema uza ID falsu hatun ulun boot sira, ida nee hanesan  etika moral laiha ona.

Nia dehan moral nee mai husi familia uma laran, tanba bainhira uza sasan eletronik ho objetivu ida, laos uza hodi insulta malu, uza para halao servisu, nunee bele asesu mos informasaun, maibe realidade ema balun gosta uza fali ID falsu koalia liafuan neebe mak la merese atu koalia.

Nunee mos Natalino Lopes hanesan dosente iha UNPAZ hatete, kestaun nee mosu, tanba dala barak ema la gosta malu, ezemplu sira nia problema privadu neebe mak mosu, sira komesa buka ona dalan seluk, para bele hatun malu liu husi media sosial.

“Ida nee hanesan ita larespeitu ona ita nia inan feton sira, kestaun ida nee dala barak akontese iha media sosial, oinsa mak parte instituisaun relevante atu bele haree kestaun sira hanesan nee,” tenik nia. Jacinta Sequeira

Facebook Comments

Leave a Reply

Your email address will not be published. Required fields are marked *