Governu Halo Inspesaun Fos

Governu Halo Inspesaun Fos

- in Politics
2987
0
Foos

DILI — Relasiona preokupasaun publiku konaba presu fos iha rai laran,  Vise Ministru Comersiu Industria MCI, Jacinto Barros Gusmao koopera  ho ajensia  ou kompania  importador fos  halo inspesaun ba  armajen fos iha Dili laran.

Tuir  Jacinto stok fos iha armajen orasn ee nakonu hela, no presu iha merkadu normal, fos 25 kg sei bele sosa h U$ 12 dolar, no 30 kg nee presu U$ 15 dolar.

Ami mos simu informasaun husi kompania importador sira katak, fos nee iha oin rua  iha 25 kg no 30 kg, maibe  ida 30 kg nee maka stok menus tanba, ema sosa makaas tebes maibe, 25 kg nee stok nakonu hela, tan nee husu ba kompania sira neebe sosa tutan  labele  manipula presu,” apela Vise Ministru MCI .

Jacinto informa mos katak, fos  folin sae iha munisipiu, dala ruma impaktu husi estrada aat, tanba nee maka sira kompania sira  hasae folin, maibe atu fo sai deit ba iha publiku katak, stok fos iha armajen kompania importador sira nian nee nakonu no presu sei normal.

Iha parte seluk Augusto Gomes hanesan kompania importador fos hatete stok fos iha armajen nakonu hela no tarjetu bele too fulan hat nia laran,  mesnu stok fos iha armajen balun menus, tanba  situasaun ida agora nee halo ema barak sosa fos, dala ruma uma kain ida bele sosa hela saka lima too sanulu tanba tauk krize aihan.

Ami haree katak atividade kompras liu liu fos nee makaas tebes, hahu iha semana ida rua nee nia laran fos laris tebes, no stok balun menus tanba, merkadu sosa makaas, maibe hanesan kompania importador ami nafatin hatama fos hodi asegura seguransa alimentar iha rai laran,” tenik Gomes.

Tuir Observasaun STL iha terenu katak, stok fos iha super market no mini market nakonu, 25 kg nia folin u$ 12 dolar no 30kg nia folin 15 dolar. Madalena Horta

Facebook Comments

Leave a Reply

Your email address will not be published. Required fields are marked *