Governu Fraku Ekonomia Sei Mout

Governu Fraku Ekonomia Sei Mout

- in Economics
449
0
lagro

DILI- Husi governu anterior too mai VI Governu konstitusional fraku tebes, tanba sira nunka tau atensaun ba non petroliferu hodi grantia ekonomia iha nasaun ida, maibe governu sira nee depende liu ba fundu petroliferu, tanba nee osan iha banku hela deit ona billaun 15.8, agora la buka mekanismu seluk, entau ekonomia Timor Leste (TL), sei mout iha loron ikus.

Lia hirak nee hatoo husi Ekonmista Gilberto da Costa Pinto, ba STL iha nia knar fatin Colmera, Dili, kuarta (19/04/2017).

Ami apoiu husi governu anterior too mao agora ukun lao diak, maibe planu atu hadia ekonomia TL maka la iha, tanba sira foti osan husi fundu petroliferu deit, hodi jere dezenvolvimentu nasaun nee, maibe atu hadia seitores balun hanesan Turismu, agrikultura no buat seluk ruma hodi hetan osan hodi troka fundu petroliferu seidauk iha, tanba nee ita triste ba futuru osan mina nia hotu TL bele mout ka hakdasak,” hateten Gilberto.

Iha parte seluk Peskizador Lao Hamutuk Juvinal Dias hateten durante nee mina folin tun, afeta ba rendimentu fundu petroliu tun, osan minarai biliaun U$ 15.8 investe banku, governu foun iha 2017 tenke analiza politika ekonomia TL, atu nunee halo poupansa ba Osan minarai, la bele foti osan minarai boot, hodi halo defeza estadu nian, neebe laiha retornu ekonomia ba estadu no povu.

Nunee mos Deputadu Bankada PD Jacinta Abu Cau Pereira hatete, TL depende ba osan minarai  kada tinan aloka ba OJE hodi halo dezenvolvimentu iha rai laran, tanba reseitas domestika sei kiik tebes selu salariu ba funsionariu latoo, tanba nee mina folin tun, produsaun mina tun afeta ba rendimentu fundu petrolium. Joao Anibal

Facebook Comments

Leave a Reply

Your email address will not be published. Required fields are marked *